你聯署左救Mil Mill未？
請幫忙推爆此post！！
Mil Mill喵坊是全港首間兼唯一一間的紙包飲品盒回收漿廠及教育中心，並把回收後的紙品轉製成各種面紙和廁紙等，以廉價在全港各處出售，實為難得一見的創意環保事業，不過近日不獲科技園續約，即將面臨停運危機，惹起爭議。科技園及港府相關部門一意孤行的話，估計每年最少20億紙包飲品盒將會白白送往堆填區。
即使特首李家超指環保署已提出「挽留措施」，包括提供「三幅用地公開招標」，卻被揭發三幅地皆不適合用作回收廠址。與此同時，新加坡隨即向Mil Mill喵坊招手，邀請到當地設廠，Mil Mill喵坊即使面臨在港投資千萬心血毀於一旦，依然心繫香港，希望繼續為這個家付出。無論在情在理，創辦人和Mil Mill喵坊，皆是科技園值得挽留的人才和工業。
香港科技園公司行政總裁黃克強，站在社會道德或商業承諾上，皆有責任剎停是次災難。希望各界朋友能為此聯署並共同向黃克強先生發出呼聲，要求為Mil Mill喵坊留一線生機，更為了拯救香港未來的環保事業或創意工業，亦為下一代的生活環境著想。
香港科技園公司行政總裁黃克強：
過去數年間，估計已約有100萬市民在逾600個回收點回收紙包飲品盒，並逐步形成港人的生活習慣，每年最少回收20億紙包飲品盒，一旦Mil Mill喵坊停運，這些歷年養成的改變將會毀於一旦。
科技園一直提出「進一步創新製造」的使命，以「香港創新、設計和製造」的理念開闢新道路，若把Mil Mill喵坊趕盡殺絕，豈不是違背公司使命，亦把100萬市民的心血摧毀？科技園把罕見的人才和創意環保事業拱手相讓亦實屬不智。
我們相信科技園有責任揹起責任和承諾，同時不應背棄自己的初衷。為了香港的環境和令下一代看到未來，我們懇求科技園改變主意，給予Mil Mill喵坊再經營三年的寬限期，直至Mil Mill喵坊另覓地點。
香港高度關注的市民和全球的朋友
#香港需要MilMill
4個讚
你見到個年薪500萬咁回覆，你仲邊會留低，此處不留人，自有留人處
2個讚
真係睇到火都黎埋。係香港任何好既事好似都會殊途同歸比啲垃圾破壞
4個讚
香港政府真係好支持 (跣) D 新興初創企業咖~ UBER HKTV MIL MILL …
3個讚
香港係有好多有能力做，創新又實用嘅人，
一般都係香港只係做幾年，有少少成積，就要去其他國家開廠，
香港政府嘅環保，只係口號創作，做吓廣告，擺街站活動，這些表面功夫。
8個讚
我支持mil mill遷廠去新加坡
垃圾地方，唔留都罷
1個讚
去新加坡重好啦
唔好留係香港人今鋪比你留到 隔一排又想整走你
想佢好 就應該放手比佢出去廠下
由得香港變返死城一齊攬炒好過
1個讚
絕對支持Mil Mill揾出路去星洲
但有留意新聞都知老闆其實想扎根香港
最理想就係兩邊發展
而家係香港呢邊如果要搬啲機器其實等於重新開檔
本身疫情已經好難做，而家咁樣分分鐘血本無歸
所以先要聯署引起公眾注意
1個讚
呢個未必係最好辦法
但如有其他更好諗法，不妨一齊討論下
真心想幫Mil Mill
有政界人士指，「喵坊Mil Mill」事件之初，多名立法會議員有意出手協助，但得知對方被人劃分為「黃色企業」後便要再三考慮，以防捲入不必要爭議。
事實上，有親「藍營」的網上專頁已將「喵坊Mil Mill」定性為「黃企」，更稱他們是要「搞大黃色經濟圈」，「仲想拿政府著數來搞黃圈？在愛國者治港下，不了！」
另外，該政界人士認為，以政策持續性來說今次事件的確會帶來壞影響，「環保園承租期係20年，今次事件嘅合約係3年後逐年續約，點叫人有信心投資？」
該人說，事件亦爆出科技園公司定位問題，「你唔係普通公司，成立目的係要培養本地企業，需要更加考慮租客需要。」他指，科技園將100億元放在銀行做定期，亦有未能善用資金之嫌，「你唔同創新及科技基金喎，創科基金過百億元放在外匯基金旗下，由金管局管理，投資所得盈利用於支持創科，咁做就好合理！」
2個讚
證明咗啲膠官堅係唔理解佢哋個問題喺邊，對牛彈琴
可憐呢個地方變成咁，有心嘅總會被人/正苦耍到黯然離場，所以我都支持mil mill去新加坡發展，唔好將心機放喺無心機發展嘅地方度
1個讚
你唔係覺得咁樣仲有用啊嘛？