佢都無覺得自己高人一等。我睇上嚟，佢嘅諗法好合理自然，因為佢諗嘅和我一樣。大家未經歷過，大概就會覺得佢自覺高人一等
喺我眼中，香港朋友全部好慘，佢哋自己覺得開心嘅嘢，係我眼中都係死路一條。我移民都係因為覺得香港無希望。咁唔係因為我覺得自己高人一等，係因為我對香港悲觀
不過佢哋自己開心就好，我無謂講我諗法佢地聽
正如以前有人誤會過你一樣，佢都係俾人誤會
我移民係因為我驚死，而且我情緒真係好崩潰
我心底裡面係睇少自己，覺得冇留低死守，我亦羨慕留低嘅人有勇氣，佢哋先叫得到自己係香港人，我心永遠有愧
留低嘅人不乏有高貴品德嘅人，例如周冠威導演，我會敬重佢哋，唔會下下都覺得對方可憐
可憐對方，其實自己先最pathetic
冇誤會佢，食美心嘅人一律自私，藍屍，衰格
呢啲人去英國留香港都唔值得有朋友
我好多黃朋友都食美心，視乎佢食美心嘅理由。
有勇武上前線都係食美心
尊重你嘅諗法。同樣地我都尊重樓主嘅諗法。光譜太闊，無可能大家諗法完全一樣。
我尊重留低並因此自豪嘅人，
我尊重離開覺得有罪惡感嘅人，
我尊重留低並有罪惡感嘅人，
我尊重離開並因此自豪嘅人。
4種黃人，我全部都識，全部有原因。
其實都係取捨
有d 人唔覺得依d 問題係問題
無需要說服佢
亦無需要證明自己岩
大家唔岩傾慢慢疏遠好正常
人最大既問題就係太好管閒事
炒烏冬應該唔算掛
不過點都好，希望樓主放寬心，朋友之間相處唔好諗得咁複雜，自己同朋友都會開心啲。我自己同香港嘅朋友仍然會雞啄唔斷講幾個鐘電話，就算唔講敏感話題都仲有好多野可以講
我知道，我一樣鄙視
有啲指標一定要守
以下代表唔到樓主，只能講自己。
見到香港朋友出街食飯相，大家好開心咁like，我係會like唔落，因為我個心會見到好多好灰嘅嘢，例如安心出行呀，戴口罩呀… 等。咁就唯有唔出聲。
我猜和樓主炒烏冬事件可能差唔多，見到好有共嗚。
唔知樓主，我呢啲嘢無得放寛心，亦唔打算放，放到時我就唔會移民。我會放嘅係朋友，尤其樓主在英國都好多朋友（我反而唔係），應該無所謂
我最認同樓主嘅係重留係腥港納稅比政府嘅黃人，我鄙視佢地。
明知啲錢比腥港政府做乜，重可以合理化。
一係留係到拎綜緩又唔同
我尊重你嘅鄙視，大家條界都會多少有唔同。
我自己係黃嘅就會包容。
藍嘅幾淺藍都好，至親都會斷關係。
呢個都只係我個人嘅做法，其他人唔係咁做都無問題
我好明白你意思，我自己都係為咗唔納稅俾香港政府所以移民。
不過你咁樣講即係想撩交，咁又唔好。佢哋有佢哋自己一套邏輯，都尊重。
呢句嘢擲地有聲，like!
留喺香港同移民，都仲有好多嘢可以為香港做
我怕死我認，但我會返香港，死都一定要死喺香港
唔想比錢香港政府當然係一個好嘅理由，但唔=比錢比香港政府就係可憐，做人唔好咁mean。攞住香港份糧交完稅比個賤政府，仲有好多嘢可以做可以幫到香港
仲生仔又唔移民我真係冇辦法認同，我戥個小朋友可憐（呢啲就真係可憐喇），但留喺香港嘅人可以係好積極，頂住成個香港，我認為用可憐呢啲字眼都幾差，都真係好自以為是，不喜勿插
講句公道說話：留港比稅香港政府又點？有無數嘢比起唔交稅比香港政府更重要，更值得香港人引以為傲，例如支持黃店、寫信比手足、上庭撐47, 手足，做送別師等等
社民連仲冒住好大風險出街站搞簽名，仲有好多香港作家出緊書側寫社運，仲有好多家長唔比小朋友打針對抗個監控，仲有好多人幫緊Mill坊搬廠，仲有好多cafe用緊香港有機菜，仲有甜品師傅整法式甜品送禮比在囚政治犯，仲有好多義工救緊因為遷拆或移民被遺棄嘅動物，仲有啲未辭職嘅泛民區議員幫緊街坊，有啲辭咗職一樣幫緊，有啲黃店例如基隆，膳心仲搞飯券比貧困街坊…
你哋啲移咗民嘅人（包括我自己）有乜資格話留喺度嘅人可憐？你見到留喺香港嘅人默默守住城市，你唔感到羞恥內疚都唔好只係為唔交稅比香港政府而沾沾自喜啦吓嘛？
你哋離開後做過乜嘢？除咗研究校網，講點樣融入，買英國樓仲有乜？要食個死人月餅都要美心？仲要覺得留香港嘅人可憐？唔L係呀嘛
好，就當香港朋友上面一樣嘢都冇做，係港豬，都唔需要人哋正常生活都like唔落吓嘛，有幾可憐呀？面對極權，正常生活已經係抗命嘅一種，咁其實你哋想對方點？唔移民但日夜痛哭？人總需要勇敢生存囉
更加唔好講好多人冇能力移民，呢啲個個明白。離開唔到comfort zone 嘅人佢哋冇壓力？冇擔心？佢哋嘅政治風險一樣大
自己留唔到香港而離開，人哋留港，唔需要你覺得人哋可憐到煮餐飯淥個烏冬去個staycation 都被你覺得可憐囉。唔選擇敬佩佢哋，擔心佢哋而下下小事放到最大可憐人哋，你幾悲觀都好，你都係好mean同放到自己移民爭取自由好大囉
我知道我咁寫得罪好多人，你哋隨便diu，我習慣咗。但希望走咗嘅反省下，唔好講到simply being in Hong Kong 已經係原罪已經係奶共已經係共x黨啲friend 咁好唔好？
你爭取自由係你好彩，留低對抗極權先係最勇敢最高貴嘅人呀！
同唔識分咩係humility and compassion, 咩係 hypocrisy and self-righteousness的人一齊生活仲慘啦
某類移民人士可能真係太得閑無野做, 休閒活動就係覺得唔移民人生活慘, 我覺得呢類人堅慘, 仲要覺得自己意見獨到, 我覺得呢類人思維同偷著樂差無幾
仲有，有好多人係選擇留低，唔係冇能力走
用可憐嚟形容佢哋根本不恰當
對我嚟講：移民只係好彩，最多係勇敢，但未去到高尚情操，我甚至覺得咗對住留守嘅黃絲有愧疚
至於將我自己同一個因為comfort zone而留港嘅港豬喺道德上秤（唔係黃），我某程度上都覺得對方值得尊敬過自己，我唔sure嘅，但我不時都秤緊，呢點開放討論
我係有小朋友仲留喺香港，老公唔肯走，老豆兩年前中風，老母年頭切腫瘤，家姐仲係殘疾而家排緊院舍，佢哋得番我一個，我諗嚟諗去都唔知點走（奶奶都有身體問題）。所以我見到樓主亂噏真係好嬲，勁想瘋狂問候佢，佢絕對唔係同路人
仲要交稅俾仆街政府，我小朋友有我呢個老母仲可憐。
唯有做啲野平衡心態，岩岩訂完黃咖啡，繼續幫手搞黃團購（啲單少到pk 咁可憐），mill mil買左幾年，食緊本地菜，寫信俾啲小朋友。我最感恩我哋8月底中左，而家有半年康復碼既自由。
走到係幸福，我日日都羨慕，我暫時無計，咪用自己方法去過日子。我日日都洗腦個小朋友大啲就去外國讀書，佢呢排就話要去日本，我就買張圖同佢一齊自學日文。
都係個句，係咁可憐日子，就唯有堅持，就會見到希望。
同埋，當大家仲覺得香港小朋友洗腦得好勁，谷得好勁，一定要打針先有課外活動，但其實都有一部分學校好有智慧去應對。但大家唔會講，因為唔想累死間學校（起碼我仔學校就係）
當然，仲衝去讀官校，個校長奶到出汁仲走去到，我只會講：條路自己揀，仆街唔好喊
我借你呢句嚟分享下我自己嘅矛盾：我走到，但每日活喺痛苦當中，過得開心又內疚，過得唔開心又想念香港嘅美，我都癲癲地了，整體精神只係好過喺香港咁解，但我消瘦不少
我同我留港好朋友話我真心羨慕佢，佢以為我潤佢，但我解釋完佢明白：有朝一日香港完全淪陷佢過得高尚，如果香港光復就當然好自豪好高興，而我呢？前者（淪陷）我只係苟且偷生，後者（光復）就冇乜資格慶祝，因為我自己都冇份親身守護香港
當然，現實就係我冇必要咁痴線諗咩死唔死守高唔高尚，顧住自己重要，我明白，所以我做咗，犧牲晒所有嘢過嚟 live free，期望有個國籍去證明我爭取民主自由，係我唯一感到安慰嘅事。但對於香港，始終內心有愧，我為自己爭取到，但未為香港爭取到