我只係有啲感慨
自己不嬲都唔太鍾意大城市生活 所以移咗民 街上面人少啲 我已經覺得舒服好多
加上呢邊做嘢真係舒服好多
香港最好嘅上司都只係和顏悅色咁加你target
衰嘅都廢事講
呢邊病咗唔返工 都提你有pay唔好擔心 多啲休息
小朋友返學就更加好 見到佢哋喺playground睇書嘅相 我就覺得自己冇揀錯
但同香港朋友講呢啲 佢哋好唔開心
如果講香港 which is愈嚟愈痴線
佢哋又唔開心
如果佢哋講啲開心嘢
特別係生小朋友sd bb相嗰啲
我自己第一時間諗到嘅憂慮又唔講得
恭喜我又講唔出
或者佢哋sd煮嘢食相
可能係無飯主婦難得下廚咁 炒個烏冬咁
同外國住嘅比差好遠啦 呢邊地方大咁多 食材又好啲 又成日煮
唔知答咩好
睇到隔離po講愈行愈遠 我真係覺得愈行愈遠
但唔係因為外國嘅曬命
係因為移咗民嘅所有嘢都唔講得
咁對於對方黎講都係有成就感既事
可能對方只係煮食新手
如果唔可以讚一句鼓勵下
都可以試下交流下心得?
如果特登應酬佢 當然講乜都得啦
所以愈行愈遠囉
交流下心得嘅話
佢煮飯 我都會煮
我影返張相俾佢睇 又寸親人
即係佢煎豬扒 我哋整叉燒
所以同都係移咗民嘅朋友係易傾好多
沒有比較就沒有傷害.
在香港的人也未必對英國的生活狀況有興趣, 等於你也未必對法國或美國的生活狀況有興趣.
其實應該要預咗，大家都生活喺唔同嘅國度，完全係兩個世界嘅時候，有距離好正常，個距離仲有成十幾個鐘嘅飛機，唔好太有期望。
點會冇興趣
以前喺香港講北歐教育都wowowowowow啦
去搵返bk ek嘅post 好多人都認同外國嗰套 只係冇錢 或者唔值得駛咁多錢 所以香港做唔到
而且我嘅生活又唔講得 你嘅生活又唔講得
咪愈行愈遠囉
如果係好朋友唔會，唔會好似你咁嘅反應。
我覺得一係你自己敏感，一係大家嘅關係都未必咁親密。
其實都係傾返呢啲話題，好同意上面講無比較無傷害，我同朋友都係share啲育兒呀，煮咩餸呢類話題，我會好好奇佢哋child care係點，收費幾多？外國啲菜心白菜同香港會唔會唔同？佢哋又會講吓返工啲同事會點，正正常常傾計其實無咩好比較，基本上唔講到香港啲新聞都可以相安無事嘅
如果你覺得同香港朋感覺唔啱傾，咪喺外國再識啲啱傾朋友，做朋友都講緣份，我best friend離開頭幾年我都好失落，自己會唔會地位不保呢？會唔會越嚟越唔啱嘴型？時間證明咗，真係夠老友嘅話，佢哋過得好自己只會越開心
其實最好嘅朋友都係移咗民 或者打算移民
所以問題唔大
但同一圈子比較熟嘅朋友 可能有whatsapp group吹下水咁 就會有咁嘅情況
其實係 但係見隔離po咁講 仲要留港嘅係講到移民嘅普通分享都唔啱咁 有啲感慨姐
講真 最得罪佢哋嗰句我都未講出口
「我唔會俾我啲仔女咁慘囉」
我best fd都係移咗民 唔同國家
可以放心吹水
甚至有啲本身冇咁熟 但都揀移民嘅 可以好好傾
一般香港嘅朋友就難好多
認同。
今次離開，令我睇清楚部份所謂朋友，原來都只係見不得別人好果種程度。
比例都唔少，有成 1/4到。
慶幸其餘既係真心替我高興。
我覺得唔駛label香港啲朋友就等同難吹水嘅，你去外國有新開始，同其他移咗民嘅朋友面對嘅嘢相若，多話題可以交流真係好正常
相反就咁呢個post入面，朋友炒個烏冬你都可以聯想到同外國住嘅比差好遠，人哋生bb你連一句恭喜都講唔出，我唔識兩邊無咩好comment,只覺得唔啱傾段關係就自自然然會fade out
冇喎、反而因為冇得見、更珍惜份友誼, 傾父母, 心事, 老公, 仔女, 退休等
真正既朋友咩都啱傾，如果因為一個移民一個留港就你又不滿佢佢又不滿你，大家傾計就住就住既，咁本身都唔係咩好朋友姐。
既然係普通朋友，你去到外國都好易識到，唔啱傾咪唔好傾囉，人大左，人際關係都要學習斷捨離。
唔知點解我諗起呢個post
又係討論同朋友點樣漸行漸遠既問題
不過呢個post 就係調轉
話自己移民後去左個教會識得以前服侍過女皇既人
覺得社交圈子有改善
有父母疼愛、健康有飯食、有屋住、有玩具玩、香港小孩有幾慘。比起亞洲其他地區甚至第三世界個d 已經幸福無比。睇闊d 啦
Bb喺香港大 會面對啲咩大家心中有數
咁正常實會講下搬去邊 讀咩學校 人哋見你有小朋友都會想問下
咁可以點答
冇國民教育 唔駛驚？
出生率低 可以任揀？
炒個烏冬可以點覆 可以暗住良心讚佢㗎
但下次我用麵粉整烏冬嘅時候
人哋咪覺得我諷刺佢
又或者好似隔離post所講，會唔會只係你啲香港朋友唔想同你傾（or vice versa), 朋友緣盡好平常
其實你呢啲態度仲邊有朋友敢同你吹水