我寧願返工算，又有錢收，返工環境又chill，無嘢做就打下機
讀書壓力大，考試又驚考得唔好，上堂勁悶，坐幾個鐘唔知係到做乜
仲要比咁多錢，大家想揀返工定返學?
4個讚
返學
即係我已經搵夠錢唔駛返工
想學乜就學乜
1個讚
返工，有錢賺，唔洗做到最好都可以安然無恙，可以專注做自己專長/熟練嘅野。冇功都有勞。唔鍾意可以轉工。鍾意學野可以自己進修。
讀書下下都要追分數，90 分都要追到 100 分，仲要科科都得，中英數唔得都要勉強讀。勤力都唔一定有用。如果成績唔夠好，只能夠轉去更差嘅學校，去留都係艱難。
2個讚
返工，返工有錢收，d錢點洗都係自己話事。
返學好大壓力，默書測驗考試不停要溫書，好辛苦
梗係返工啦。
返工做得再差，都係被人鬧，再者被人炒。
返學做得差，喺學校被鬧被排斥不特止，仲要背上「枉父母咁辛苦供你讀書」嘅罪名，壓力大好多。
100%返工，由細到大唔鐘意返學，到返工真係覺得自由好多
返學要睇學啲乜，好似以前讀好多科好辛苦，公開考試想死咁
但你話如果只讀一科鍾意嘅，好似讀U時主修一科都幾正
返學 有同學一齊玩 返工好似奴婢式生活
1個讚
返工，兩者都無意義，不過返工有錢。
放學做功課係天經地義，放工自由好多，要收message嘅工已經係無良。
返學教得唔好都無得炒老師魷魚，返工做得唔開心直接轉。
兩樣唔同嘅嘢
如果學歷唔夠都搵唔到好工， 咁我就寧願返學打好個底先
返工當然好又可以收錢
Why not both?
只要係我鍾意返既工，我想讀既課程就得啦
以前我都係日頭返工夜晚返學
梗係返工
如果唔駛為生活奔波，返工同讀書一樣開心，我會揀兩樣同時進行
2個讚
返學因為想搵好工，返工因為想搵錢。
不如直接俾錢我，我兩樣都唔想，但現實係無可能。
返學，單純地在自己興趣所在的領域鑽研學問，不用考慮前（錢）途。
1個讚
返工
我讀書成績幾好㗎，但我最憎考試。而家有時發夢都夢到要考試但乜都未溫。
番工勝在有糧出。
不過係血汗錢。
讀書就冇咁大家庭負擔。
各有各好
好難抉擇
大個就想返學 當然前題係要有錢啦
返學，好懷念大學校園生活。
上堂，返part time, 浦酒吧，打麻雀，做功課溫通宵再飲早茶。
每日測試體力極限! 青春幾美好
1個讚
返學, 我由細到大讀書OK, 家人又唔比壓力, 補習果D完全唔駛, 我覺得返學做功課都好易HANDLE, 仲有時間去幫人補習, 仲好記得當年(成廿幾年前) 都有180蚊個鐘
日日同D 同學吹水嬉嬉哈哈, 諗LUNCH食咩, 放學就去食TEA 行唱片舖買文具去圖書館借小說, 又自由又開心~
1個讚