想了解珠心算或者數學解題嘅方法歡迎同我聯絡
點可以增強小朋友數感？？
小朋友4歲
幾多歲可以開始學珠心算呀
數感嘅訓練其實由佢開始學數目字已經可以訓練，主要嘅目的係令佢將抽象嘅文字形象化，要做到呢個效果，家長可以係屋企透過同佢玩一啲數數目嘅遊戲去建立基本嘅數感
點先算數學教練？ 
其實呢個名都有啲學生俾我嘅啫，而我自己只係有大概20年教兒童珠心算同埋數學嘅經驗，希望喺度可以同大家分享吓啲心得，等大家學珠心算或者數學嘅時候可以有多個方法參考
學珠心算同速算係一樣 
我覺得如果真係學珠心算呢，最好就有四歲半或者以上啦。點解咁講呢，係我嘅角度如果係學珠心算呢就一定要用隻手去撥啲珠，而小朋友小手肌嘅能力普遍去到四歲半以上就能夠應付到撥珠嘅要求。
至於點解我一開始話係學珠心算要四歲半呢，因為我都試過教一啲三歲半至四歲嘅小朋友，但係個過程就完全一樣。教一啲咁細個嘅小朋友，我哋會比去接觸珠心算為主，即係透過影像去令佢對算盤有初步嘅認識，知道一粒珠代表一，兩粒珠代表二，係呢個過程係唔需要佢用隻手去操作嘅算盤嘅。
學珠心算有咩好處？
點樣可以加強小朋友既數學基礎? 例如可以順數1至50，但若抽起中間一段就出事，例如__、40、__咁樣，會中間斷片，前後亂咁填
兩樣唔同野嚟㗎，珠心算只係速算嘅其中一個方法，速算有好多種，例如十幾年前曾經輕過嘅史豐收速算法，一啲閃咭訓練嘅速算法，印度式嘅速算法等等。如果想學速算可以睇吓小朋友鍾意邊種嘅訓練方法，最緊要小朋友學得開心，千祈唔好因為想訓練小朋友速算而令佢對數學產生厭惡
好珠心算嘅好處我相信上網都會搵到好多，而根據我喺香港搞左20年珠心算嘅經驗，比較返一啲冇學珠心算嘅小朋友，係數學運算嘅能力嘅信心係增強左好多，亦都因為咁，當佢哋長大咗要開始學習解題嘅時候亦都變得冇咁抗拒，同埋由於珠心算係講求腦影像入邊換，所以佢哋對一啲抽象嘅問題係較容易去形象化左，具體化左，咁樣佢哋就會更加容易去了解到個問題嘅核心。
我見到嘅唔單只係數學能力上嘅進步，反而係佢哋解難題嘅能力嘅進度對於小朋友來講嘅滿足感會更加大。因為大家都知道，係現今嘅社會大家已經好快可以接觸到計數機或者電腦，所以如果純粹單純係追求運算嘅速度嘅話呢，係唔需要學珠心算嘅。
調返轉去諗，如果你諗住有種活動，係可以訓練到小朋友嘅腦部，同時間又帶你可以計都快數呢個附屬嘅效果，珠心算係一個唔錯嘅練習。
請問你小朋友幾多歲？
4歲
1個讚
如果想學可以去邊到？
一般來講，四歲嘅小朋友可以教佢一至10嘅認識，唔好以為好容易，要佢哋明白十進制嘅基礎係好抽象嘅。呢個時候我哋要用啲工具去幫助小朋友去明白，例如你可以準備12支筆，當小朋友由一數到10嘅時候你就用條橡筋紮起個10支，將10支變成一紮，咁呢一隻就叫做10 ，再加埋剩低嗰兩支，就叫做12。只要反覆做類似嘅遊戲，小朋友慢慢就明白滿10就要進位嘅道理
而家好多人學奧數，有d家長推薦學奧數，話比珠心算範圍豐富好多，請問可以講解吓兩者比較嗎？
謝謝你! 我會嘗試!
=-= 珠心算出去考完試係咪無成績表睇返架? 間學校話之後會有, 但我女考完成年都無消息
坊間其實都有好多個又唔同機構舉辦嘅珠心算比賽，一般來講佢都會通知返學生個結果，不論你係冠軍，亞軍，季軍又或者優異獎佢都有通知你嘅