希望大家可以用幾分鐘睇下
而且都多多做好回收
香港回收行業原本已經好落後，回收率又極低
2019年先開嘅喵坊回收廠，只係營運咗3年就唔比再續
之前有去過喵坊參觀，覺得佢哋真係好有心做
咁大部機器要搬真係唔易，文中亦講到搬同買部新一樣…
而環保署竟然話唔知情，真係好絕望
中間亦提到：新加坡已邀請他到當地設立回收廠，協助當地回收業發展。
反觀香港，真係嘥氣。
5個讚
香港喺回收方面真係好落後
3個讚
喵坊真係有心做 而且做得好好
以為綠在區區收紙包盒都係畀喵坊
無咗喵坊咁仲有冇紙包盒回收 
3個讚
環保係一種無大經濟效益嘅行業，政府點會幫手呀
點解政府部門成日好似乜都唔知咁, 要人自己出聲
先至知… 真係奇怪…
3個讚
環保問題，只係靠市民係無用。用少幾多膠袋，開少幾多冷氣，一條三跑可能完全返曬來。
所以唔好幫襯綠色藍店，例如Green Common
4個讚
每日見到街上面嘅垃圾箱都覺得係
最易回收嘅膠樽，基本上成街都係
1個讚
真係唔敢想像… 會唔會今年過後就冇得回收紙包盒… 
唉…但係係有責任去幫手…
當然對依個政府冇乜希望可言…
有乜可能唔知，我就唔信，全港唯一一間
4個讚
milmill都走
3個讚
認同只靠市民係冇用，所有嘅商戶、建設全部都有責任去推行環保。
例如有時出街食飯有汽水罐，都會問下餐廳會唔會回收，好多時都係話唔會，咁我唯有自己帶走，
但其實如果餐廳肯做回收，已經可以減少好多可回收物送去堆填區。
雖然自己做到只係好少，但我都會繼續努力。
講到環保店，都有好多黃色環保店，我去開旺角嘅organic we
4個讚
依家上哂新聞，希望政府可以極速回應點處理
喵坊都唔想走，但如果繼續落去，幾唔想走可能都會走
其他報導 
葉文琪︰唔想放棄香港呢個地方
葉文琪與盧智聰在港花近千萬元投資建廠，營運三年後亦出現虧蝕，現今更面對無情逼遷危機。不過葉文琪直言，仍未想過放棄在港經營Mil Mill：「我哋做回收同社區交往愈多，對社區感情愈深厚，唔想放棄香港呢個地方。」而最令他感動的是市民的支持，並稱不少市民特意收集家中的雜紙及紙包飲品盒，郵寄至Mil Mill廠房：「全部都好乾淨，有啲人眼中係寄垃圾，都要堅持寄過嚟畀我哋處理。」
8個讚
我由2019 好支持佢地
自費回收紙比佢地 再加上 平時堆紙包飲品全部都拎去回收
仲有買佢堆紙巾 真心唔想佢地走
3個讚
香港環保回收都係笑話
淨係識收錢，收你膠袋錢，收你垃圾錢
收完啲錢邊個袋左？迷！
1個讚
公平來講，除左D大集團，香港普通餐廳都好難捱，開鋪每做多一樣都係Cost。呢D都係要靠政府推動，唔係淨係收錢而係有實質措施來協助/方便。
都見到好多黃店cafe之類，係有限空間都努力做返D環保措施，係好唔容易嘅事。
1個讚
因為每日(只)解決一個問題
2個讚
又唔係無交租，做緊對香港好有用的事，都唔知做乜唔續約！ 垃圾政府。
//
分享一個成語：「請君入甕」。
政府做嘢以結果為目標，面對過千億財赤，豬扒都係肉，by hook or by crooks，要谷庫房收入，除咗靠抄牌、捉人無嘟安心出行，當然會要向商家埋手。最新一宗資本血案，悲劇主角是Mil Mill （ Mil Mill 喵坊 ）。
話說 2019 年創科局 （ 創新科技及工業局Innovation, Technology and Industry Bureau ）成功招商引資，邀請Mil Mill進駐元朗工業邨，氹到兩位創辦人Harold和Nigel斥資八位數字，在香港成立首間、亦是唯一一間紙包飲品盒回收廠，替香港處理大量都市廢物。
好景不常，過去三年多，經濟何其差， Mil Mill 依然頂硬上，虧損下仍協助 環境及生態局 EEB 完成 KPI ，兼且向 Hong Kong Science Park 香港科學園 準時交租，默默在香港做回收，與各區的綠在區區合作，培養市民回收紙包飲品盒、雜紙習慣，估算過去三年多已有接近100萬香港人參與回收。
不過君要臣死，「大白象」來臨，香港2020年代突然發覺自己也要搞半導體，全民大煉semicounductor，一向似「收租佬」多過「扶持創科」的科技園，自然配合掃走一系列「低端人口」，讓香港碳中和大計泡湯，寸草不生。
現在回看，原來幾年前，時任環境局局長 黃錦星 Wong Kam Sing 、科技園公司行政總裁黃克強也親身參加剪綵儀式，倒是諷刺，三年未竟，創科局就要Mil Mill收檔冚旗。
為何Mil Mill死得不明不白？翻開一系列報導發現，要不是Mil Mill硬著頭皮入科學園，找那位所謂「再工業化」的膠層去了解，也不知道原來自己被踢走，只是因要為大白象讓路，而不是因為經營不善。
更搞笑的又是，今次新加坡又贏，你當MilMill是草，新加坡就當MilMill是寶，似乎我們的出路，只有繼續花錢做好大外宣，在對方機構的廣告牌上說好單方面的香港故事。
//
3個讚
呢個故仔係當年HKTV搞電視翻版。王維基係某個訪問講過，當年搞電視係因為通訊局搵佢拍曬心口，話會有地方有政策配合，想請佢搞電視台。結果佢請完人、拍曬劇，因為眾所週知原因，就係唔發牌。
記得中環摩天輪都係類似（細節可能記錯請FC），瑞士公司投入本錢投資，幫手起完之後無嘢配合，好似一兩年仲無得經營，被逼低價出售。唔知點樣變成AIA，因為低價係人地手中買入，所以可以賣平飛。
5個讚
香港唔落後，每次只做幾年，有啲起色，政府就趕人走。
當年回收膠樽，製作成不織布袋，都係政府立法禁止5毫賣比市民。