請問有冇屋企小朋友讀緊？
想知學校考試 測驗多唔多？
老師好唔好？
小朋友讀得開心嗎？
學術上 新大天 一定好啲
不過我小朋友以前讀舊大天,讀左幾年,而家離開左香港,
舊大三測三考, 小朋友讀得開心,老師都OK,舊大有個老師畫漫畫出書,有時佢都係漫畫分享小朋友學校的趣事。
舊大天始終係大角咀區同旺角區, 有啲家長比較平民, 都有好多講國語既家長.
唔知而家有冇變, 舊大天小學一年級是廣東話教中文, 二三四年級有得揀普教中定廣東話, (跟成績比你揀入邊班,但普遍D家長同老師都覺得普教中嗰2班定3班係精英班),而五六年級好似又係全部用番廣東話教中文。
我小朋友成績好,但都無揀普教中嗰班. 因為當年揀佢就係唔想讀普教中既小學。
新大天係普教中。
多謝你分享！
之前聽過舊大天zoom briefing. 學校活動好似好多元化，但背後唔知係唔係想學生拎獎為校增光。校長感覺有少少似渴望學生參加不同比賽，增加知明度。早前陪小朋友去公園玩，見到呢間學校嘅學生。佢話都讀得開心。。。
另外，你知唔知學校有冇迫金？
新大天就去過學校參觀，好似唔錯咁。。。。
1個讚
前幾年舊大天陳校長去左新油天.
而家呢個校長係其他天主教小學調過黎(唔記得邊間), 我諗叫做升左, 所以想學校攞多D奬,出名啲都唔出奇, FEEL到佢都比較進取. 不過間間學校都想攞多啲奬,我都明既.
我小朋友讀緊時都多活動, 係開心既. 老師真係好錫我小朋友.
迫金真係唔知, 我離開左香港, 無乜留意舊學校.
另外, 舊大天都有好多老師做左好多年, 做左好多年嗰D老師真係幾唔錯.
岩岩睇番職員表.
三位副校係學校教左好多年, 而主任級大部份都係做左好多年.
不過都有個別老師走左, 見到今年都多左一堆新老師.
留意,舊大天學術同升中派位真係無新大天咁好,所以注重學術既家長揀新大天會好D
但如果舊大天考全級15名內派位就應該無乜問題.
OH , 我FEEL到好多家長都藍,我識既黃都無乜或者好低調
舊大附近有紀律部隊宿舍, 所以32網會有機會遇到唔同紀律部隊宿舍既仔女.
1個讚
其實大天轉咗新校長之後好多都改變咗，可能新校長比較“進取”，所以嚟到後有好多“改革”，用書深咗，多咗好多自製功課，三評三考中間仲有中英默。。基本上一路都係溫習溫習溫習。。
自從新人上場後眼見老師笑容少咗，同埋做好多表面上嘅“推廣”訪問，但校風不錯，雖然好多都係附近比較基層嘅家長，大部份小朋友都好乖。。。
2個讚
新人事 新作風 老師又要適應新校長的改革 又要面對網課都好辛苦。。。
謝謝你分享左咁多學校資料比我。感激