另一半之前失業咗一段時間，以為搵到份好工，可以Home Office, 福利都唔差
返咗2個月，點知間公司同佢講話一定要打針，唔打針就炒，
本身有濕疹，又有哮喘，試過哮喘到要入醫院，有時嚴重要日日吸藥先瞓到
打針根本就好大風險，但又無醫生肯寫豁免紙
我同佢一齊堅持咗咁耐，真係唔想佢為咗生計而拎自己條命嚟賭
但佢又要養家，加上佢個行業好多大公司都一定係要針，依家個心情真係好亂。
有時真係好憎自己堅持D乜，做吓港豬做下羊群，可能真係輕鬆好多……
如果講到養家咁大劑，冇得揀喎
2個讚
濕疹、哮喘發作時，醫生會唔會開免針紙？
打針係香港基本生存要求
入好多地方都要針
唔關豬唔豬事
打左去啦
1個讚
中西醫都問過，都係叫你打針唔會有事。
1個讚
最多唯有試下其他公司，好多行業依家都缺人。起碼盡力搵下，睇下係唔係真係無option。
如果真係全個行業都無公司免，咁你都唔係好多選擇，今時今日生存並唔容易。
1個讚
睇下可唔可以轉行做住第二啲
到日後先做返呢行
雖然明白外人講兩句好易
但既然又堅持左咁耐
留返條命先做到世界冠軍架嘛
利申：我公司都迫針，疫苗通行症就到期，bb先岩岩5個月，下個月做ftm
老公都0金 唔知頂到幾耐
15個讚
比我揀嘅話
除非山窮水盡唔做尼份工一定要乞食
否則唔會打
金錢買唔到健康
3個讚
我識有朋友做金融業，嗰行係迫金十，唔打唔可以行入公司，但公司俾佢長期wfh, 叫做公司無違規而朋友又保住份工。你試吓問吓先，真係唔可以wfh再決定。
p.s. 我公司都迫仲要無wfh, 基本上都要打，但拖到最後一日先打
1個讚
home office都要迫打？咁搞笑。
不過如果呢行唔得，咪做另1行，留返條命，將來仲可能可以入返呢行，但打完有咩事，就真係一世都做唔返呢行喇。
繼續堅持
我全家都冇打。
少少建議：有時搵工，唔好淨係諗香港市場，而家有好多外國公司（office喺外國）都可以在家工作（喺香港工作）。而我正正就係打外國工。努力，呢個世界大把機會，唔需要局限喺香港。
5個讚
工可以再搵過，打左可有有事可能無事，你敢冒就得，將來有事唔好怨（希望冇事）我沒有打
1個讚
你老公情況,如果係我會試下打一針,始終你話你老公要養家 
2個讚
好同情你哋，但無奈你哋要養家，我都諗唔到咩advice比你哋
1個讚
啱啱見到內地、澳門、台灣入境人士，無打過針都會發臨時疫苗通行證，唔理解其實係想點
3個讚
呢個唔關做唔做港豬羊唔羊群，重點係你另一半本身身體唔好，驚打左有咩嚴重後果。
大公司有哂制度係難傾，一係轉細公司易話為d，疫苗通行症應唔會成世掛，頂一排先。
1個讚
我都係公司迫,辭咗職, 之後終於搵到細公司做, 加油
5個讚
該主題在最後一個回覆創建後90天后自動關閉。不再允許新的回覆。