想問下哩度有冇朋友係伯明翰有做機場接送? 如果從機場入市區(b16)大概會喺幾錢? 英國的士如何計費? 12.7-17.7英哩又唔知大約幾錢?
如何call uber? 會唔會平啲?
我哋係搭Uber XL，大約行7英哩多D，有3個大人，行李有6大6小件。嗰日我哋唔熟路，搵咗大約5分鐘先搵到架車，同埋因為行李多，司機砌咗好耐先開車，唔知係咪咁所以收多咗4鎊幾等候費，加埋入機場費£3，Uber嗰度埋單接近£30，另外司機臨開車前俾咗張停車場票叫我老公行去俾咗錢先開車，唔記得幾多錢，但有限錢，好似大約兩三鎊。所以我哋全數大約HK$300。
你咪試吓用Uber app計吓大概幾多錢，記得set返你到埗嗰日時間。
我之前搵左一間伯名翰車隊係機場接送，但由於我地行李多左，之後對方好好咁幫手搵左另一間車隊個名叫「皇朝」嘅接我地，價錢就80磅全包，但一架車車晒我地11件行李！
我地之前都諗住用Uber XL, 但行李太多，又唔想分2架車，所以就搵呢啲車隊幫手！
你可以上Facebook 搵下佢地！希望可以幫到你！