感覺女王最後啖氣都好精神咁交棒比卓慧思，好似迴光返照
我記得我朋友爸爸走前一日，突然好精神，仲鬧佢哋幾兄弟姊妹然後情況急轉直下走咗
寵物都係，走前一晚上我床（已經好體弱）陪我瞓
生命真係神奇
2個讚
有
我阿嫲過身前一日突然好精神
同教友講叫佢哋唔駛嚟佢好快出院
電話俾我老豆唔駛趕返黎（在外地）
又叫我姑媽執好間屋拖地等等
連醫生都話再觀察多幾日都可以出院！
點之第二日我哋去探佢已經迷迷糊糊跟住下午就去咗
有，身邊幾個老人家都係咁
有啊！
寵物同人都有。
臨終前一日突然食到，瞓到，講到仲精神返，我就知應該係迴光返照。
記得陪男朋友探佢公公，成個病房啲老人家都帶住呼吸機同面罩，得佢公公一個勁精神、大大聲同我哋傾計，傾返男朋友細個嘅趣事，之後即晚就昏迷跟住走咗。
我爺爺當日中午忽然好好胃口，到夜晚就走左。
到我婆婆時情況仲離奇，佢生前冇老人痴呆，走前幾日忽然好似跌左入時光隧道，話隔離果個乜太做咩咁嘈成日鬧人咁大聲，但果個乜太係佢後生時既鄰居，同埋已經死左好多年，聽我媽講，果個乜太以前真係成日鬧人好大聲。
我姨丈， 未期胃癌， 昏迷狀態， 突然有一日，佢醒咗，而且講得出佢老婆仔女同我阿媽個名， 跟住嗰晚我阿姨就話佢走咗啦！
該主題在最後一個回覆創建後90天后自動關閉。不再允許新的回覆。