想分享下剛剛影完嘅孕照
有次係IG見到陳凱琳嘅孕照
覺得個style係自己鍾意嗰款
嗰陣時已經諗定如果有二寶
一定要搵呢間公司幫我影!
其間有朋友都有去呢間studio影過相
都係好靚好溫馨
講返自己嘅經驗
當日約咗12點
化妝一小時內攪掂
之後就去揀衫
因為之前工作人員已經send咗google drive link俾我screen下佢哋有咩衫
已經有心水揀邊幾件
再預早叫老公同幫大女襯好衫
好順利就已經揀好衫同換好衫
攝影過程都好順利好愉快
大女比較活躍 但攝影師都好有耐性
咁啱大女係影相前幾日生日
我問下工作人員可唔可以自備一個數字氣球影相
留個紀念
佢哋都好好人 話都可以
咁我哋都好簡單帶咗個數字去同大女影
效果都好滿意
另外都好想大讚攝影師好專業
教我哋點擺pose 全部指示都十分清楚易明
細緻到頭髮點放點撥都會幫我執
收到相嗰一刻
已經覺得好滿意
角度顏色全部都好合心意
甚至會覺得好難揀相俾攝影師retouch
因為張張都好鍾意
同埋無咩嘢好執 全部原相出我都覺得無問題!
希望我嘅經驗可以俾大家一個參考🫶🏼