今日同一位商界高人開會，大家討論香港開放復常這個問題，討論得頗有營養甚為深入所以想將部份內容同大家研究吓。
0+7 不是開放，也不是復常。 社會上有一種誤解，簡單理解唔需要住隔離酒店就係開放了。 這個想法太簡單。 出發前的核酸檢測其實比隔離酒店更恐怖，因為佢會完全影響你成個旅程根本上唔到飛機，呢一點好多人都有討論過唔再講了。 反而大家要想像一下，對於一個國際旅客點解要來香港？ 好重要的一個組成部份就是來飲飲食食，你估真係好鍾意睇7人欖球？ 關鍵不是比賽結果而是場內場外的交流玩樂和啤酒。 你有七日黃碼期間唔准出街食飯唔准出去飲酒唔准去睇concert, 其實都唔會有旅客嚟香港旅行玩樂。 世界各地已經早已0+0。
我們亦要深入去預判，當國際旅客回來之後我們希望他們得到怎樣的體驗與感覺？ 他們會怎樣寫Facebook/IG/Twitter? 如果所有599都仲係咁嚴格，單純的放寬入境政策，直接啲講就係打開香港道門邀請外國人來欣賞我們仲係幾咁嚴厲、幾咁不自由？ 然後通過佢哋嘅Facebook/IG直接把體驗告訴全世界? 這似乎不是我們希望見到的結果吧?
所以開放其實係包括入境政策、本地防疫政策，更重要是政府及市民的mindset，如果我們冇辦法將Covid視為與其他流行病一致的疾病(其實咪就係病咗sick leave喺屋企休息吓囉), 談論與國際接軌只是鏡花水月，在現實世界我們只有被所有競爭對手越拋越遠。
