有冇人留意成套片係黑白色，唯獨是中段時間有一個細路女係著好顯眼紅色衫通街走。（唯一一個，主角都係黑白色）
代表乜嘢意思？
係特登嘅，突顯個殘酷，紅色代表血腥
1個讚
有唔同嘅意見， 有啲人覺得係代表猶太人嘅天真、 希望； 有人覺得代表血腥、死亡。
我覺得你觀看時嘅內心感受，就係代表果樣。 電影俾人感覺好個人。
我比較傾向代表天真、希望。當小女孩死咗，咁天真、希望一併死亡，集中營內嘅人只有默默等待死亡。
5個讚
Spielberg 訪問左生還者，訪問有人提到記得一個女仔著紅縷行過，印象深刻。後來電影首播嗰陣 Roma Ligocka 認得出嗰個紅衣女孩係自己，佢嗰陣暱稱係 little strawberry。
紅衣女孩有兩大寓意。第一當然係顏色鮮豔令印象更加深刻。所有人都係黑白，觀眾同佢地冇感情冇關聯，但紅衫一眼就認得出。俾觀眾一個感覺就好似認識女孩咁。咁多個遺體中我認得佢，就好似認得自己家人朋友咁，震憾感覺強烈，又令你諗起鮮紅色嘅血。
其二你會特別留意到佢係徬徨混亂人群當中遊走，形成一個大對比。佢代表著混亂中嘅希望同天真，只可惜戰爭無情，最後我地見到希望同天真都淹沒在屍體裡。紅衣女孩同人群嘅行為，亦係帶出其他國家並冇為呢班猶太人伸出援手阻止集中營嘅發生。
9個讚
喺文學及心理學入面紅色代表天真，例如小紅帽都有強烈嘅性暗示，好似破處嘅血紅色
1個讚
原來小紅帽有性暗示?
2個讚
係呀，白雪公主同睡公主都有，個蘋果同磨坊都係
1個讚
咁⋯⋯紅十字會呢
安徒生童話，我覺得好多故事係兒童不宜。格林童話更甚，大部份故事內容直情：背叛，性，暴力，血腥所有元素有齊。我細個時睇，覺得好恐怖。
3個讚
該主題在最後一個回覆創建後90天后自動關閉。不再允許新的回覆。