依家做緊普通office工，想轉行，如果轉做美容業好唔好啊？朋友轉做美容顧問都30k up, 佢話身邊都唔少人比佢搵得多，我本身無咩特別技能，呢行入行門檻唔高所以諗緊，唔知大家可唔可以指點下我？🫣
我成日都好想知呢行使唔使training
坦白說，要臉皮厚，我就唔中竟被sale ，所以套票有淨都唔再玩了
化妝小姐？
而家生意麻麻咋
呢行其實都唔係好透明，上網睇都無咩資料
要真正讀過美容嘅先開美容院會好好多
1個讚
點解叫化妝小姐既？不過唔只consultant, 仲有美容師紋眉師etc…
美容師係專業，去到邊只要有女人，而你又技術好，都搵到食。
美容顧問，係 sales ，要meet quota, 又 training, 又安心，你 sell 到套票但客人最後都用唔到，一定俾人鬧，如果你明知客人無可能用得哂又昆佢錢買，呢份工叫騙徒。
至於賣化妝品，呢啲叫零售業，死路一條。
8個讚
係啊，諗緊想學d技能，起碼將來可以開美容院或者自己細細地做又得
以前幫襯後生女線面+修眉，手勢好好，我真心覺得修得比專櫃姐姐好。女仔好文靜 ，唔係好talk得，但都好多人幫襯
美容健身呢行，做得唔吹得，吹得實有啲嘢唔得，做得好嘅，熟客介紹都停唔到手，邊得閒 sell 新客。
4個讚
我以為係賣化妝品果啲女仔叫美容顧問
但依家d美容師都會sell你(唔知係咪有小小跑數成份），出到去再比consultant sell, 但人工又無consultant 多，好矛盾
加油!
不過呢行又真係透明度好低
一定有跑數成份
其實講緊乜嘢嘅透明度？
美容顧問=sales, 搵到30k以上一定要每月有過百萬數！你目標係搵錢定係想要技能先？
如果美容都分生活美容 、醫學美容、微整型。
你朋友係邊類？大品牌？地區連鎖？
呢行透明度好高，但好多嘢行外人比較難理解，行內人或者做過短時間都會知道咩一會事。
以前出事比較多、又因為cov 停業，而家入行睇吓你運氣、做乜位同跟乜阿姐，否則捱到到$30000/ 月，真係一D 都唔易
師兄依句精警
佢係連鎖店普通美容，唔係醫學整型果類，另外佢係包薪，仲要隔幾個月就轉工一次，每次都加唔少，令我呢d行外人覺得原來美容咁好搵，我問佢乜covid 無影響到生意咩，佢話香港其實好多有錢人