一名男子因不忍看見患末期癌症的妻子受病魔折磨，在妻子點頭同意後，於家中燒炭送她最後一程，並在房外播放佛經超度。涉案男子早前在高院承認誤殺罪，今日(7日)被判處感化1年。
58歲被告郭偉賢，被控於2020年1月30日，在鴨脷洲利民道百良大廈一單位謀殺其妻子陳秀雲。
案情指，死者生前為兼職護士。自死者於2018年確診第4期肺癌後，被告便辭去電工一職，專心照顧妻子。死者的病情日漸惡化，被告不忍心死者在醫院內孤單地離世，遂將死者接回家中照顧，並且準備好一袋炭。當晚被告見到死者服下嗎啡及安眠藥後都無減痛楚，向死者提出可以送她最後一程。被告見死者點頭，便等待死者入睡後燒炭，並在臨離開房前吻死者的額頭道別。事後被告打電話報警自首，警誡下稱「想幫佢（妻子）減輕痛楚」。
Sometimes euthanasia is a blessing
4年時間，真係人都癲，其實死可能係一種解脫，在生嘅人往往因為自己唔捨得而拖住病者條命，咁又係咪人道？
我琴晚聽神駒講開呢樣嘢, 佢話有D人點解要移民? 有時就係因為呢D原因, 先進國家對安樂死已經有定論而且成為一個OPTION, 已經唔需要討論, 比返尊嚴個病人自己, 大佬, 打DOUBLE MORPHINE 真係貪過癮咩
睇到喊左
末期癌症真係好辛苦，已經唔係藥物可以舒緩。真係理民生嘅好心要傾安樂死啦
人總有一死，連安樂死嘅權利都無好唔人道，有啲人年紀大，行唔到，痾唔到，食又只可以食糊仔插喉，復原無望，日日在床上等死，身體只會差落去，直至死嗰日，活得咁無尊嚴，點解唔俾人早啲解脫?
佢都承受好多先做呢個決定
支持安樂死
等死。。。不如早點了結
有病嘅辛苦，照顧嘅見到佢咁，都心痛
有時候睇新聞，
都見到六七十幾。
長期病唔開心自殺。
如果老公唔幫佢，
可能老婆要自殺。
咁老公先無罪 
先唔講paralyse嗰種，
大病去到末期連體力都未必夠自殺
之前睇電視話有啲癌症未期既病人，
飛去愛爾蘭果到，
同果啲醫生簽同意書。
帶你去一間房間。
類似舒緩治療房。
幫客人打針。
個醫生話年中都會有幾個香港人，
攞10幾萬出嚟，
比佢幫佢安樂死。
係好可悲既事。
有啲人去到末期，機能嚴重衰退，唔想死，多數係有心願未了，想見到仔女結婚，見到孫仔出世，有啲病，真係無得醫，就算醫得到，都係半死不活，我去醫院老人科探我老豆時，就見到好多院友眼神空洞，自己起床都唔得，行唔到，屎尿要用片，兩日先沖一次涼，有錢都無用，食唔到正常食物，飲水都要加啫喱粉先「飲」到，多幾年命都去唔到飲茶，日日望住天花板。
我以前識個老中醫，70幾歲仲幫人睇症，過咗八十歲都照顧到自己， 佢個仔話就係中秋做完節幾日在屋企跌咗落地，入咗養和，咁就去咗，都係幾個鐘內嘅事，生、老、 skip 咗病，過咗八十直接死，算有福氣!
久病床前無孝子、可以去得安安樂樂都係福氣、有啲長期病既食同痾都要人照顧、無哂尊嚴、瞓床又要綁住、真係等死咁
重病仲飛到去搵佢幫手、都叫幸運了。
琴日沖繩有一單接近一模一樣嘅判決。
49歲嘅弟弟要求67歲嘅哥哥幫佢安樂死。琴日裁定哥哥需要坐監三年。緩刑三年。大家都覺得好無奈
諗起mo
前題都要有錢先得，無錢真係連死都無得死
有選擇權，有能力飛有能力俾錢，唔可悲啊~
冇辦法，宗教人仕反對都好大