我仔今年中三, 突然話想出年去英國讀書, 原本我哋打算等佢讀完中四先走, 去到就讀兩年考A level再入大學. 上網見到有D英國學校會開一年GCSE課程, 想請教下有冇人讀緊或打算讀? 唔知個仔得一年時間, 應唔應付到考試, 同埋讀嘅科目相對少咗, 唔知會唔會對A level或入U有影響!
唔考gcse, 又無考dse嘅成績， 會唔會搵唔到學校讀year12架？
打算考GCSE呀, 只係比正常讀少一年
我意思係如果讀完中四先走，會唔會搵唔到學校收？
插班year 11嘅話，其實都無一年，讀幾個月就考gcse, 不如喺香港買定教材搵定補習？
讀完中四走, 似乎選擇會多過插year 11, 完咗中四, 可以接當地year 12跟佢哋A level課程, 私校通常睇返香港近兩年成績同筆試收生…
如果早一年過去, 都想睇下有冇家長係咁做, 想參考下… 都諗過在香港搵下有冇呢類嘅班, 還是其實中三課程都有cover部份gcse syllabus 
如果你讀私校，讀完F4，去英國讀Alevel, 呢條路會多d 選擇，因為1 年gcse唔係好多學校有。
如果你想Alevel 轉state school, 咁就1年gcse, 係最後機會，因為有gcse 成績好難有a level state school 會收
2個讚
希望搵到學校啦 呢兩日都搵咗啲有一年GCSE課程嘅，要研究下
打算讀幾多科？一般考八科
我之前搵左間叫 Mill Hill, 香港agent 可以幫手安排面試
1個讚
暫時見通常一年課程只係讀6科: 英, 數, phy, chem, bio, 加一科自選… 係咪都夠升A level?
呢間都好似幾多香港人揀, 我都打算搵個agent介紹多幾間, 考到再算
我仔係中三下學期去插year 10，都係九月頭啱啱開學突然決定，本來有諗過等完咗中三先去讀一年GCSE，但有間排名唔高嘅學校肯收佢year 10下學期插班，呀仔又有信心handle到miss咗課程，其實學校都冇乜support 到佢，冇學過嘅部分多數靠佢自己自修。雖然學校成績普通，但都算係一間傳統public school，既然都係去英國留學，有機會都係想俾佢體驗吓正統英式寄宿生活。開辦一年GCSE學校始終有學店Feel，而且學費都唔係平
啱啱佢已經考完GCSE，轉咗另一間boarding school讀A level 。順帶一提，轉校係要year 11嘅上學期搵，如果想報更好嘅sixth form，要早D報名。呀仔係經agent報名，上年暑假臨走前響香港interview及筆試，如果人響英國，有可能要親自去筆試。
1個讚
謝謝分享! 我都初步問咗agent, 佢year 10 / 11嘅學校都有提, 排名亦有高有低… 如果可以, 我都唔想讀完一年GCSE就轉校, 所以都想諗清楚D
Dulwich college 是名校。入到嘅話入top 10 大學應該冇乜問題
1個讚
乜Agent可以介紹啲咁好嘅學校㗎？大學時期識幾個朋友讀呢間，佢地喺香港都係讀DBS.
咁Dulwich當然唔係 Westminster, St Paul’s 嗰個level啦。其實平民可唔可以讀Eton, Harrow㗎？喺咪要aristocrat 先讀得？
哩D可以經agent報，但至少要早兩年報名
讀完中四先生, 除非你小朋友有考IGCSE, 否則就預咗sixth form 要俾錢讀independent school
讀算讀一年GCSE課程, 都只有少數 independent school 有開辦, 但只包5-6科 (可再加錢加科), 而且呢類一年課程既學費差唔多等於2年學費, 無乜著數
要考入好既Sixth form, 基本上都係睇 Best 5/6 科目分數, 讀少咗科即係考到好Sixth form機會低咗囉
都知道只有私校, 所以希望想清楚先, 又唔想考完GCSE轉校, 怕又要重新適應
開得1年GCSE班既學校, 其實預咗你轉校走
有興趣搵1年GCSE, 可以留意下呢兩間:
d’Overbroeck’s
MPW (有幾間分校)
1個讚