各位媽媽～我早2日同BBs去大x先生（荔枝角），佢嗰度棵樹𠝹到bb隻腳咁.
另一位媽媽都𠝹到隻腳。
你哋如果去玩要小心。如果𠝹到面同眼就大件事啦。
圖中圈住個位～ 佢d木爛左勁利。佢貼左防撞膠，但條膠甩既~
佢係爛得好誇張！
我臨走行過去摸一摸，係d木爛晒一支支野咁，唔明點解可以爛成咁。仲要條膠係甩既
1個讚
Claim對方保險，睇傷口界得都唔淺
1個讚
呢間野開左幾年啦,應該係無維修!
小朋友慘慘,幫佢查D藥膏 
謝謝樓主提醒，希望樓主小朋友快啲好返。不如同間店反映翻個情況，等間店執執佢唔好再整親小朋友。
但近排先開返，sell剛剛重新裝修咗，不過點都好，希望間店知道，而去改善返。
咁慘~
見到都心痛
，有冇即時同店員講，最少要封咗個位唔好俾小朋友玩。我今日經過仲見到好多人排隊入去玩🫣
有呀～
我星期四去，即場有同職員講小朋友𠝹到，問佢哋拎膠布。但佢哋就淨係拎左塊膠布比我，完全無關心無了解咩事。
我諗諗吓，擔心有其他小朋友會整到，所以星期五fb pm佢哋。
最嬲係，我同佢講完，佢淨係話了解下就算，一句對唔住都冇，之後仲已讀不回我。
所以我之後有好嬲咁再msg佢哋。做playhouse安全設施係基本。唔係發生意外，佢先去搞羅。
然後今日（星期日）先有個經理msg我，同我道歉。
就係諗住佢新裝修完先去。點知爛得咁誇張 
買左去疤膏比bb了
好彩無參刺咋
原來可以claim對方保險。我研究下點同佢deal先。謝謝你
佢今日同我講佢整好左。
但我相信只係換過條膠，因為佢係成塊木爛既，無可能咁快換好。
如果係再細啲學行學企嗰啲bb仆落去就大鑊啦
你當時有無影相？ 破爛位置
收齊所有醫療收據
索償第三者責任保險
呢間初初開時我去過,果時無呢舊樹屋,可能買左CHEAP野返黎,料唔好好快爛 
嘩, 開得小朋友既play house 就要好小心, 大佬…一個傷口處理得唔好都好易細菌感染!! 最唔啱係職員既處理方式, 無即時問點樣整到, 同封住個個位…真係應該要再追問佢點整返好, 或者叫佢影相畀你睇?! 睇吓係唔係換過條膠就算…
1個讚
Update返先。
我早2日同台灣嗰邊經理傾左。佢主動話會退返嗰日消費比我+負責小朋友醫療費用。
佢語氣係有誠意既，亦都承諾會封左個位，整好先再開返。
講真 ，無預佢退錢又醫療費用 。
最緊要都係個位置 ，真係要維修下 ，唔係痴條膠就算 唔想再有小朋友受傷。
另外，同小朋友睇左醫生，傷口無事埋口埋得幾好，開左搽疤膏比我哋，應該問題不大。
佢應承我會封左個位成舊木換左去～你如果路過可以順手望下佢有冇封到棵樹嗎？感謝你
我最快下星期一去望下，到時再update
佢地好多pt甚至係炒散
所以你預左態度唔會好得去邊。
肯賠都算佢有d公關
呢d場個價錢貴到痴線，連咁少嘢都唔整返好佢，真係抵俾人鬧
估唔到新裝修完都咁。。。。