我唔反對其他人講，但我自己的確唔會再po香港政治嘅衰嘢，留返俾留港朋友po就得，我最多去like。因為我知呢度好多人想問走都走唔到，我又已無咩幫到佢，唯一可以幫嘅，就係少提一啲佢哋嘅傷心事。
咁係咪言論審查？我覺得唔係。香港朋友實比我更清楚香港有咩事，唔會因為我po少次佢哋唔知。佢哋亦次次都會po。
不過我會係咁po中國衰嘢。
英國衰嘢我都會po，但大前提係幫到大家先po，齋講幾衰就唔po。例如講下物價可以點應對。
英國讚好嘅po，我只會係「英國移民」類別入面講。我係香港朋友面前儘量唔講。雖然我唔覺得咁樣係啱，但好多香港朋友真係玻璃心俾我hurt到時。我留喺香港時都真係傷心欲絕 ，好明呢種玻璃心，我要日日帶耳塞先敢出街，完全無法聽任何香港差新聞，日日以淚洗臉
溝通方法好多種，好難期望所有人（無論網上或真實朋友）如你所願嘅一種方式。你覺得有d 人唔應該，但可能有其他人受落。
Bd 呢到一路都有海外港人講唔好嘅情況，例如歧視、英國人好假、難融入、旅遊、食物⋯⋯並無齋唱好。
我都覺呢度算講得多、好似之前有個post 幾乎一面倒叫個樓主計唔掂條數唔好走
大家或者圈子處理唔同，我d 朋友國安法後已自我滅聲，只有私底下先講。
佢哋係旨意走咗嘅人發聲。
哈，我估新聞又講，kol又講掛。
總之去邊都係要努力生活架喇。
我好欣賞你，覺得你講既嘢好持平，真係唔會一面倒對英國有讚無彈，如果我早少少睇到你既留言，可能當初都會再儲多少少錢先走。
我同你做法差唔多，如果有留港朋友主動同我訴苦，我先會傾少少，安慰佢我自己而家面對既困難，同時提醒自己當初黎既初衷。
如果人地唔提，我都唔會主動講香港政治嘢。
留係香港嘅人真係冇再出聲，真係好可借
牆外人會幫到幾多？
我身邊都有人咁同我講，佢直情話一早識我，佢唔會走。因為佢係香港係屬於高薪個堆，人工有6位數，細路又有allowance讀 IS.
我反而喺自己朋友group會不停diu個港共，同仇敵愾，冇乜問題
我哋亦會post移英有乜難處，例如有乜好難食，香港嘅朋友美食我哋又會羨慕。我哋show off靚風景亦有香港朋友讚。簡單嚟講冇乜矛盾
反而我自己有一個底線：絕對唔可以香港乜都鬧，特別係仲為香港人頂緊嘅泛民，黃店，大小NGOs等等，呢個係底線
我提醒一下：我冇聽過有人喺度話留低=扺死=港豬，唔可以將呢度同有啲人混為一談。如果現實生活有，嗰啲人當然要被圍攻
"小粉紅"尼個point都講左好多次, 如果唔係點解咁多家長帶小朋友走. 唔想再講, 亦唔係我想討論既重點.
同friend傾尼類野, 當然會因為佢既性格同背景就住講. 但Forum係public既, 冇可能就晒所有人鍾意睇既野去post野.
我係想講尼度已經好和諧客氣, 冇人去圍爐post踩場, 又冇乜人身攻擊, 只要大家respect就ok.
隔離diu政府谷針谷到五歲唔放過，全部都diu，唔關移咗民事，我冇細路憎細路都diu
如果玻璃心，睇乜都會玻璃心啦。有啲講明係英國post咁入去緊係講英國嘢，提到花園同晒命係有分別喎
我香港冇朋友話我嚟緊會捱貴電費
而生活入面有藍屍就有呢啲情況出現，可以唔理或串佢哋
好多時我都因為怕玻璃心既人而唔post野, 真係留少左好多言
你朋友關心你啫
其實本身東方昇條片係講緊現實世界身邊朋友，令樓主反思點解留港同移英對立左。本身呢到都冇人話forum要就所有人？唔知點解你上個留言突然講呢個forum, 又話呢到冇人講呢d極端對立嘢。
其實係有，只不過forum 性質係乜都講。
就算今年年頭係到話移民，都會比人鬧，一定要講走難。
我成日撐香港重有的優點都比人圍啦
一dd喇，咁大個人feel到人地係咪真心假意既，覺得係攞景贈慶既我已自動疏遠佢。
都有朋友係真關心，我媽都係喇一定係真關心架，不過關心既同時如果次次打電話都用好擔心既語氣咁問我，我又會覺得煩囉。
其實講好講壞嘅野，都係好睇個論調語氣，有啲真係好有曬命feel或者好睇唔起對方嘅感覺，當然呢啲感覺都好主觀
因為你#2自己講
但我覺得BD冇, 正如Chibimaruko講
個feel似唔想係BD見到小朋友既負面討論, 我亦少講左好多, 廢時又嘈
(真係無諗過咁多討論，睇咗我好耐。)
的確係會有啲極端份子，講到英國上天，但其實見到呢啲極端Post我覺得無必要太理會。
正如愛自己伴侶唔等於唔會同佢嘈交，有啲人對某個地方鬧或者讚，都係佢同嗰個地方的相處方式，其實都係做人世啫，無咩好比較，正如大家都唔會比較大家點樣對伴侶。
藍媒有時會攻擊移民，黃媒跟住就拎藍媒嘅嘢嚟講，結果移英同留港兩邊又嘈起上嚟，藍嗰面就食住花生，就好似啲三姑六婆講兩句嘢，屋企人就跟住嘈，呢啲我先覺得最為冤枉。
我啱啱打完一堆嘢，都再delete返唔想再講，我相信呢度唔少人都有呢個感覺，無論係已走定未走都應該會有試過呢一吓感受
其實唔同地方生活自然會有唔同步伐，簡單啲只講呢度，都係最近先學識（仲學習緊）喺呢度我每一次留言前只會同自己講，如果係為咗同同路人拗嘅就不如唔好留喇，大家企唔同立場去睇，大家都有自己嘅偏見，而好多時大家都會覺得有偏見嘅只有對方
bd對我嚟講暫時仲係可以抖吓氣嘅地方，有啲明知唔會啱傾嘅咪唔好傾，要冷嘲熱諷有幾難？有心&有心情的話留返最nice嗰一面俾有需要嘅人就夠