呢到都有呀，你而家咪就係極端例子囉，第二點又再講多次"留低既小朋友一定係小粉紅係事實" ，留港既人就係覺得唔係一定，仲有好多因素例如小朋友歲數/家長點教等我唔詳細講，因為唔移民唔好生bb呢個話題係呢個forum出現過好多次，次次都好有火花。
東方昇條片入面講左一句，就係移英既比起留港既人更關心香港政治。留港既唔想提，因為對政治有無力感。移英既不停提住香港而家幾衰幾衰，茅盾就係咁樣黎。
我自己都走左，但各自安好既做法係，我關心香港既朋友，但我唔會再係佢面前提住香港逼針/你小朋友打緊毒針/香港而家有幾差。講真，你估佢地唔知咩，成日掛嘴邊香港點衰有咩意思。個行為同d 藍報一有英國衰嘢即刻講完又講，慌死唔捉到痛腳既行為有咩分別？
教育個啲唔會再講，大人自己安排好
小朋友打針真係會再講多次，但唔會講毒針咁難聽，因為好多人真心信同自願打。
呢個留嚟串非真朋友嘅
我講番自己個情況，我估而家香港實係大肆宣揚外國通脹好嚴重，水電煤費好高，英磅歐羅大跌。唔好講朋友成日send 呢d 新聞黎問係咪真，連我同呀媽facetime 時佢都成日問，係為我擔心，因為我地當初攞住筆唔大唔細既錢就過左黎，佢好擔心。
事實呢，又真係情況惡劣，我心情亦唔好，我難得有時唔記得左輕鬆下，佢地又成日提住，呢種關心簡直成為我負擔。
所以我相信調番轉，留港既人有相同感覺。點解移英既人要不停提住佢地香港幾差呢？本身已經生活壓抑，難得抽離少少又有一班人提住佢。
其實有呢類留言嘅多數都喺open question 嘅post，例如走唔走？生唔生？
咁大家咪列出自己對呢個問題嘅觀點，而又唔會走入備孕post 鬧人你仲生，你港豬。
如果怕留港嘅人唔開心，bd 係咪都唔可以再提任何政治嘢？
想分享英國生活有幾美好冇問題，唔洗同時又踩下香港，呢啲會令到仲留港嘅好難堪。一有新政策出台，就九秒九share再一大堆地獄言論，何必呢！其實我都計劃緊走，但我唔會想香港死囉。
留港都大把覺得躺平等reset
唔係，其實本身樓主出post 係講緊東方昇條片，提出而家個情況好似移英港人同留港港人有對立咁，唔淨係講forum，更唔淨係講bd，只係樓上有會員講到bd 係例外地冇對立，我只係講番我覺得唔係咁。
但同時我又覺得，其實呢個forum 都唔少人移左民，但你睇下大部分既post 都係講緊香港有幾衰，但好少提自己身在之地有咩問題。
我咁講對你無惡意，我記得你都係移左民的，亦好活躍香港政治既post，但我印象中你係好少講自己而家國家既壞一方，我相信你既國家亦唔會完美但好少提。
呢個人冇細路，講個人，梗係喺已經建立咗事業嘅地方最好
到佢有細路佢又會講第二番說話
偽人嚟嘅啫
即係咁，留低又上得嚟bd嘅人都唔妥迫金架啦
唔需要走咗嘅人加多句「留低嘅預咗啦」
呢啲說話出自已走嘅人仲難聽過由藍絲出口
咁要睇語氣，否則太玻璃心
又有人一味大大聲叫人走走走
成人話人唔走一定留低等死
點知走咗又話自己5+1後死都要死返去
物價升幅我覺得還可，energy bill 就等發生先擔心。
唯有勞力啲返工，又唔至於好擔心
再者，bd 係forum，鐘意講咩都得，甚至我唔識你唔識我，都唔好講咩care 唔care 對方唔開心。
但現實生活呢，相信大家都有朋友係移左民/留港。我係好早期留言話2邊都有極端既人，我有朋友就係咁，都唔考究係邊邊開始先喇，結果就係互相串大家，最後冇fd 做，同樓主主題講嘢大家愈行愈遠好有感覺。
其實如果有好嘅，都可以講呀
我當初攞住唔多錢就衝左黎喇，小朋友細而家得老公做嘢。我有留港朋友早幾日send 左個預計下年會升到點點點既新聞黎俾我，先唔講佢係咪留港自我感覺良好，但我睇完就唔良好囉，完全唔想傾。
所以我先估留港既人都有類似情緒掛。
但呢個都係事實、留低就要接受大環境果套政策
我香港親戚而家都日日話英國物價貴，唔知佢地係香港聽左乜。
我見過香港人夫婦推住兩個bb, 心諗細路咁細，如果要工作先生活到，又要供樓租屋，真係好難捱咁多年。但回流亦唔易，除非讀 IS, 否則個細到點接受到香港教育？
所以真係唔好猛叫人黎，特別重要個啲不盡不實野叫人黎個啲
報喜話曬命、報憂又唱衰、咁仲有咩可以講、真係好視乎果兩個人既關係同心態。唔搭同一條船遇到既問題同睇既風景都有唔同、都係講下風花雪月、祝大家各自安好算……
呢個真呀，我而家都盡量唔同朋友講咁嚴肅既話題，就算係都係佢地提起我先一句起兩句止算。