事源係
對面鄰居成日嘭門好大聲， 嚇親我爸爸
已經同鄰居反映過呢個問題，但佢哋都繼續係咁
（唔知點解我爸爸好驚佢地，因為佢有焦慮症）
佢就話唔想再住係度
想過黎我同老公新屋 住一排先
我同老公其實唔太想
媽咪聽到就好激動
話我地唔考順呀嗰啲呀。。
想問下 如果係你地會點做？
通常易請難送，相見好，同住難。
隨時更令家庭不愉快
鄰居果到可唔可以請管理處幫佢攪一攪個門頂彈簧，通常扭一扭個力度就可以關門慢d
4個讚
我唔會
一齊住之後你一定會後悔， 佢哋入咗嚟住之後就唔會搬走
3個讚
佢鄰居唔搬
佢就一定唔係 “住一排先”
唔一齊住就話唔孝順
咁父母唔買層樓畀我係咪佢哋唔錫我
10個讚
一齊住一排，住得舒服就唔會走，跟住阿媽都過埋嚟🫠
易請難送，咩叫住一排先，根本知道鄰居問題解決唔到，唔通一直響你度住落去咩… 到時你想叫佢走，咪一樣係「不孝」….
7個讚
我唔會，一陣俾咗自己父母嚟住，下次老爺奶奶又話有野想暫住，點算好？
同埋叫咗嚟你度住，點叫佢哋走？所以唔好咁做
層樓佢地有份資助？
1個讚
我唔會，同佢講話老公唔鍾意。
寧願俾錢佢出去短租一排
無呀
我老爺奶奶資助
我都係咁諗
明明有個親戚肯平租間屋俾佢哋
我媽都話嫌貴嫌遠
唉 好似淨係想搬過嚟住咁 
我唔會應承…要同父母加老公住，遲早到自己有焦慮症
可能會自己出手同鄰居傾吓，對方ok的話出埋錢搵師傅上門睇吓點解決
我老公都係咁講，話我阿媽一定會搵藉口過嚟
寧願依家俾人講好過之後俾人講
岩呀，其實佢搬過嚟都唔係好幫到成件事
啱呀，我驚遲d有焦慮症嗰個係我
300% 不
「一排」即係幾耐先
真係唔好，話老公唔鍾意 hea 佢哋算
（衰D諗：會唔會係佢哋見你間新屋幾好，所以搵個藉口嚟住
）
1個讚
咁應該吾會既
鄰居呢件事都發生左好耐
不過 我同老公最唔中意既係
佢地好似有哂計劃 諗好哂想搬過黎咁
之前又問我地做咩另一間房 唔買張雙人床碌架床嗰啲
諗個好嘅理由，例如「我哋想生BB呀但試咗一排唔成功呀如果呀爸嚟到點造人啫呢啲要好free先做到嘛」最好搵啲「下一代」「生孫」「唔孝順就唔生個孫比你哋玩啦」呢啲字眼講到好關佢哋事咁。
之後再搵對面屋拆掂去，幫佢整下對門之類。
7個讚
唔好呀！上年我入醫院所以我亞媽過咗唻住照顧我個女，住咗兩星期已同我老公吵大鑊⋯有時啲老人家咩都要話事，好易發生磨擦
1個讚