最近做婦科檢查先發現有朱古力瘤, 大個粒都差唔多5CM
有無JM 做過切除手術? 風險高唔高?
想切左佢一了百了
我做過微創切除，全身麻醉係法國醫院做，做完再打左半年停經針。 醫生話係中度風險，不過成十幾年前，而家可能再好啲。
做過手術二次，因為發現時已經8cm，所以都係做手術割左佢，第一次12年前仁安4萬左右，打咗半年停經針，第二次 2年前已經要9萬，手術之後冇打停經針，因為諗住生多個小朋友，可惜三個月之後已經再生多次朱古力瘤，而家約5cm左右，長期食荷爾蒙藥控制住先。
微創都要全身麻醉而且同中度風險？！有無後遺症？ 你依家一切安好？
數埋數埋咪三次？ 你依家一切安好嗎？
食緊藥情況ok?
係咪越切越會再生得快？ 醫生有無講咩原因？
係呀，已經第三生朱古力瘤，暫時都唔考慮再做手術。第一次做完手術，冇諗住生B，有打半年停經針，再食咗2-3年避孕丸，所以冇翻發。之後生完第一個小朋友，餵人奶21個月，唔知係唔係荷爾蒙亂咗，所以朱古力瘤翻發，發現時已經8cm，做完手術後諗住可能生多個B，所以冇打針，點知術後覆診已經翻發到3cm，食避孕丸都控制唔到，大到5cm，而家食荷爾蒙藥終於控制到冇再大。
醫生都解釋唔到點解朱古力瘤生完再生，荷爾蒙問題，所以無奈接受。唔打算再生B，食藥控制到就算。
2016 年發現有朱古力瘤 (~6cm), 每次經期都痛, 經過治療但無咩作用, 之後做微創手術切除, 全身麻醉. 手術康復後無幾耐有bb, 之後再餵人奶, 大約20個月無經期. 醫生話有幫助, 比子宮有時間休息. 切左都唔係一了百了架, 因為女性荷爾蒙嘅變化, 切完如果唔好好保養, 都係可能翻發
任何手術都有風險既, 同埋依家農曆7月過左無幾耐…
比我唔會做住
我都有朋友唔舒服做檢查個陣先發現自己有朱古力瘤, 不過好在SIZE 細, 佢宜加食緊藥控制住
醫生無同你講可以食藥咩? 佢直接叫你做手術?
或者睇多個醫生問下意見先再決定?
下? 朱古力瘤係可以復發架, 唔係切左佢就一了百了, 而且復發既情況都算普遍, 所以手術後最好唔好停藥醫生話
女人真係要定期做檢查, 尤其係過左20尾30歲頭開始生過定無生過B都好, 特別多人有婦科病. 最好唔好等到有唔舒服先黎睇醫生, 到時分分鐘有其他問題…
https://www.youtube.com/watch?v=TJWeiSldoF4
該主題在最後一個回覆創建後90天后自動關閉。不再允許新的回覆。