我都堅持緊，學校話唔可以上游水堂，唔上咪唔上，政府要玩到咁，我無辦法。
我自己剛剛book打第2針時，今次好認真去睇佢嗰份免責聲明，我睇完後心諗，有無攪錯，枝針明明你迫我去打，但份聲明講到你乜都唔洗負責。
我更加唔敢俾小朋友打。
小朋友細個健康院要打嘅針全部打晒，嗰陣時連健康院無嘅針我都俾錢去私家打。
我本身相信疫苗，我連流感針都有俾小朋友手月打。
但係今次，我點都唔敢俾小朋友打。
11個讚
我屋企啲小朋友都堅持緊，從來無信過枝針，亦都覺得打同唔打應有自由選擇。
5個讚
我同兩個女都係無打，去到今時今日我會堅持，學校老師打過俾我問點解唔打，我話覺得無需要打，佢地都無再講啲咩
6個讚
我仲堅持緊
2個讚
應該係啱啱谷針既時候, 個message 有啲亂, 好多家長都forward 話, 無打針就無得上音樂同體育堂, 但耐咗之後, 大家都知道唔係咁樣, 正常上課時間表係無影響, 之後我都無聽過有家長講,話上唔到本身要上既音樂同體育堂, 可能係初期啲人太緊張, 講得太多? 乜而家仲有學校話無針唔畀上時間表上音樂同體育堂 ? 其實可以寫信去教育局問清楚或者投訴!! 因為之前記者會都講過, 時間表上課堂係唔影響, 佢無得上就係間學校有問題!
反而聽得多就係下午課外活動, 唔理除罩定唔除罩, 好多學校都唔畀無針既學生上
3個讚
所以呢件事話俾我地知正苦有任何政策，第一要保持冷靜，唔好自亂陣腳。不要衡去做任何行動去回應。如果唔係就會「翻車」。通常政策頭幾日係混亂，又多以鵝傳鵝。
11個讚
我女不嬲都唔鍾意去呢D活動 
學校旅行去果D農莊廁所太恐怖,去過2次都怕左啦
3個讚
so true
好多人覺得我唔俾小朋友打針係 " 剝奪" 小朋友 “應有” 嘅生活。
仲話好多小朋友都打咗，有事唔會只係得你個仔一個。
聽到呢啲說話，其實感到好心寒。大家好似慣咗指6為馬，完全唔覺得有問題，亦唔會去思考做法係咪合情合理合法，叫到就做啦。
11個讚
Well said
講到唔打針就錯 真係好恐怖
4個讚
其實好慘
以前個個都話唔打
之後接受咗 大人打咗 都話點都唔俾小朋友打
之後接受埋十幾歲嘅打
之後接受埋幾歲嘅打
香港人好似乜都可以放棄咁
7個讚
依家就話5歲啫，遲下搞埋bb
4個讚
我都有俾啲所謂朋友串我, 自己唔打針/ 唔俾小朋友打針, 係"為啖氣"…
又話外國都有好多數據小朋友打係安全…
一句到尾, 安全就唔會到依家都未註冊到支針啦…根本都冇靚仔data…
仲有, 都有俾我媽話我, 唔帶個仔打針, 佢邊度都冇得去好慘…
堅持咁耐, 咁親嘅人都唔明白我, 覺得我對個仔唔好…唉
5個讚
其實離最初話唔打針 只係兩年時間
我肯定 如果政府話打埋bb 大部分香港人都會照打
「不嬲出世都打好多疫苗㗎啦」
2個讚
阿媽話都尾聲咯，叫我兩母子冇嘢就唔好金啦
5個讚
我覺得呢d人諗野好求其，可能d人只想睇自己想睇既野，就以偏概全。所以我唔會同佢地淆，亦唔會因為得不到佢地認同而唔開心。
2個讚
我尊重選擇打針的人，各人有各自難處。
至於我自己同小朋友，我係堅決唔會打。
即時隊友勸我打、又情緒勒索咁，話有咩事入唔到醫院睇小朋友，我都一律不理。
堅持真係好緊要
我亦都唔驚做異類
我地就係世界上的minority, so what?
個疫情演變到而家根本就證實咗我地唔需要亦唔值得繼續為一個小小嘅疫症而犧牲生活！
18個讚
呢幾日見到個朋友出post，帶佢小朋友去迪士尼，去冒險XX…然後寫「30/9前玩盡佢，明就明，唔明唔使明」
嗰一下，真係有莫名的感觸
其實真係仲有好多媽媽堅持緊架
18個讚
我女今個月都玩多左NAMCO,迪迪尼就我地張年卡過左期無續啦!迪迪尼又要預約入,好煩
好痴線呀…咩叫{有事唔會只係得你個仔一個}, 一個有事都嫌多啦!! 講得出呢句既人, 係唔係覺得, 如果全港9 成細路打晒針, 8 成人有事, 個政府會瞓醒, 跟住話你知, 支針好有問題, 唔會再迫細路打針, 仲會跪地求你班家長原諒呀? 真心唔明白, 講呢句嘢既人究竟係咩意思?
人哋個仔女有無事唔關我事, 我只係想我個仔無事者…佢都痴痴哋, 畀我聽到真係"虎"佢一穫
4個讚