當初個個都話唔想打針，唔會俾仔女打針，但隨著政府一步步迫針下，好多家長都打左了，到要打第3針時，只係問幾時前要打，去邊度打，已經唔會再抱怨，接受現實，反而個個都勸你快d去打啦，我個仔女打左都無咩野，而家反而唔打針係異類，其實我覺得咁既現象真係好可怕，純呻
46個讚
呢啲就係慢慢咁磨平人嘅意志。
15個讚
仔女未打，做左少數
12個讚
之前不斷用老人家中咗會死去迫人打，而家又用小朋友中咗會好嚴重去嚇家長, 真係會有人被人嚇幾嚇就自己就範
3個讚
我明白你。不過要扭轉個心態，每次啲人問起點解啲仔女仲未打，堅定啲問返佢點解要打。其實再講落去，打針啲理由真係好薄弱，其實無乜理據去challenge人點解唔帶小朋友打針。
17個讚
佢地都係話會防重症丫，減低死亡率，有小朋友走左丫，返學好危險好易中招丫，科興其實打左無咩野，係復必泰已易有心肌炎姐，你驚去打科興咪得囉諸如此類啦，但我份人就唔夠牙力，又唔想得失人，所以都係哦左佢地又或者轉移話題就算 
4個讚
係，拗呢啲係令人難堪
不過你真係唔駛當自己係異類㗎，可能大家圈子唔同，我身邊+仔女啲同學都係無打針佔多數（唔排除可能有啲打咗唔出聲），我信仲有唔少有心家長會堅持住
12個讚
同埋有d更hurt既係，會感覺有d打左既家長朋友會抱住心涼既態度：睇你幾時頂唔順去打，驚支針啦喇，遲早你咪又要去打！可能我唔好彩，見住身邊個個由唔打針，慢慢變到個個都爭住去打，再質疑你做咩唔打針，可能身邊都有人無打針既，不過佢地都費事出聲了
2個讚
哇嗰啲都心理變態，少啲同呢啲人來往，食鼻屎食完都無咩事㗎佢唔去食？
拖遲打至少冒少咗唔知幾多次風險喎，佢咁唔識諗唯有祝佢啲小朋友健健康康，你要慶幸身邊咁多人變了但你仍然保持清醒呀！
7個讚
我仲堅持緊， 我小朋友都堅持緊， 大家加油 
25個讚
大部份香港人都係恨人有笑人無：我個仔冒住生命危險打左，憑咩你個仔唔使冒險，難聽講句，最好揾全世界陪葬
6個讚
一早話左留底的人會慢慢接受同改變
2個讚
有時我會加多句“你係咪迫緊我小朋友打針？”
呢招通常招呼煩爆嗰啲人
6個讚
我仲堅持呀！做咩要打支冇 註冊認可，打完一金十又要一金十，冇限 loop, d 抗體都流失，仲有機會有 xx痰, 大人要揾食就話姐，小朋友黎架！
9個讚
你講得好啱，唔明點解要打，睇怕都懶得解釋，只係靠獎賞學校拎獎迫針，莫名其妙……
2個讚
的而且確呢個係現實，我當時喺公司大家都逐漸用呢種態度
想問下大家意見
如果唔打針小朋友冇得返全日學（政府幼稚園）
但係父母都要返工
冇能力請工人，冇長老幫手
有咩辦法可以湊到小朋友？
極是
同埋響大爆發過後，就知支針根本又係咁
3個讚
我直接對細路講，我會保護你，唔會比你打支無用又未註冊嘅嘢，（我擔心學校會講啲唔知咩嘢迫細路打針，所以成日都同佢講返正確嘅嘢）
11個讚
其實小朋友打針率唔係好高唔好上某啲論壇見到多人討論小朋友打針就真係以為好多小朋友打咗，不過我發覺通常打咗針嘅人都會周圍同人講自己/自己屋企人打晒針，叫人快啲去打
4個讚