該名女學生在討論區發文，題目為「阿媽帶我入邪教求學業進步」。她指自己一向成績一般，但母親一直想她入大學讀醫科，機緣巧合下母親認識到一名「好靈嘅師傅」，「佢唔想喺親戚面前丟架，接受唔到自己仔女係廢物，佢返嚟就話要帶我去拜下，我阿媽好專制佢話要做嘅嘢，你係無權拒絕」。
樓主無奈只能隨母親的意願與師傅見面，初時她以為只是上香，聽師傅講話便可以，豈料對方竟要求她飲符水，並需每天去師傅的神壇打坐2小時，「話咁樣可以吸收佢嘅靈氣打通任督二脈，讀起書上嚟會特別輕鬆，仲話俾師父睇中有機會可以幫我開天眼」。
樓主直言「明眼人一睇就知係邪教」，但母親竟信以為真，還給師傅封了「勁厚一包香油錢」，遠超正常的金額，「無論實際金額係幾多，正常都唔應該畀咁多」。
帖文引起網民熱論，有人認為不少家庭被邪教搞到家破人亡，建議她盡快求助，「唔建議做啲治標唔治本嘅野」、「唔好亂飲嗰啲符水」、「預期飲呢啲不如買個方包當記憶麵包咁食」、「搵社工幫手」。不過，亦有人認為樓主去這種地方很危險，特別是飲一些成份不明的符水，「總之你去呢啲地方好危險，尤其是飲符水依個動作係好危險，有時你都大個，要識分辨有啲咩係做得，有啲咩係危險而唔做得，並唔係阿媽話咩都照做」。
