我想平平淡淡唔得咩
我想做個普通上班族唔得咩
13個讚
樓主正確
我都認同冇需要做正能量L
3個讚
無話唔得既，
有啲人一生人都係住公屋，
打一份工可以做十幾年。
結婚生bb.
一生人都無諗過會買樓。
錢留黎買自己中意既野.
5個讚
咁樣諗係冇問題既
但就唔好要求另一半要上進囉 (=搵多啲錢養自己)
5個讚
另一半自己好上進 
我唔上進唔努力好似好對佢唔住,但我覺得好大壓力
我以前係上進type，但都唔知點解，只係追隨七十後喺當時社會嗰種norm。港大人，不斷進修，幾個學位，又兼職又freelance
而家勇退，諗返又唔係後悔嘅，只係個代價都不少
感恩仲有機會reset人生喺第二度過平淡生活
14個讚
咁你都係以前上進過先可以令自己依家可以有機會喺第2度過平淡生活嘅…
6個讚
一定要做好好利用時間，要不停向前…大佬，一個星期返5、6日工，難得而家仔女大咗唔駛點照顧，放假係屋企放空吓都得啩
3個讚
係有經驗，唔會餓死，但錢就唔算有
可以唔上進，但起碼照顧到自己。
可以負能量，但唔好影響到人哋。
18個讚
上進同正能量無關聯
Hea 在家都可以好正能量
同時，上進到可以負能量，好似成村人得罪佢或睇嘢悲觀
8個讚
咁以前仔女細,為左佢地係咪一定會迫自己好上進,好正能量?
我識人好上進、好勤力、好正能量，但睇佢嘅post 我會想嘔。
1個讚
即係點？
咁樣似乎係大家價值觀，或者對生活既要求，對將來既睇法都唔同。有冇得傾吓呀？
不如咁講，佢嘅post 只係想人睇到佢幾上進、幾勤力、點愛錫屋企，好L 老套
2個讚
我老公係好上進嘅人，放假會睇 youtube 學嘢，仲會考 cert 增值自己。我做咗好多年 FTM，佢成日叫我搵嘢學吓唔好咁頹廢。我湊小朋友、煮飯同做家務已經好攰，每次坐係梳化休息禁吓電話佢就有嘢講。
佢咁上進都有好處，就係人工越搵越多，轉工時好多公司爭住請佢
4個讚
好難頂
我個fb反而頹廢style，飲飲食食，得閒吊下啲狗官，我啲fd問我有冇其他嘢做
自己一個唔上進冇問題
但兩個人一個上進一個唔上進嘅話…
除非對方一早諗好咗會養埋你（同你屋企人）
如果唔係會好難行落去
（大家期望落差愈嚟愈大 社會地位/眼界懸殊）
有朋友拍咗5年拖 大家social status 愈嚟愈遠 試過追上但唔成功 慢慢就變得自卑 冇晒自信 然後又成日收埋自己啲嘢唔同對方講 對方又覺得佢疊埋心水等人養 然後有一日對方就提出分手了…
3個讚
我唔上進，人生冇乜目標，但我一直努力生活，絕對經濟獨立冇問題，仲要我不停向前要上進，我搵唔到人生意義
2個讚