收拾家當準備船運前, 又遇到糾結嘅問題, 初到埗入住完BNB就要入住租到嘅地方, 接住就要等家當嘅到來, 期間所需用到的被舖枕頭, 各位朋友是如何處理呢? 因為到埗後租到地方預計喺10月頭, 家當預計會10月尾或11月中到, 期間我想先帶薄絲棉被同簡單嘅枕頭頂住檔, 家當到就可以換返瞓開的枕頭同被, 唔知嘅樣得唔得? 因為真喺唔想剛到埗就去撲呢撲路, 朋友們有咩睇法請分享.
除非你住嘅地點太遠，否則大間嘅超市已經有枕頭被舖買，當然唔係啲乜嘢名牌，質量普通價錢唔貴。
到家檔嚟到，多出嚟嘅被舖，留返嚟坐梳化睇電視用，或者天氣太凍時用被嚟墊床瞓，仲可以慳唔少暖氣。
因為坐飛機行李重量限制，留返位置放第2樣野。
4個讚
我反而會向航空公司買多個行李 將各床上用品壓縮後放入去 因為靚嘅床品都唔平㗎。。 仲有有我自己可以放鬆浸味 
2個讚
我買嘅機票包30KG寄艙, 7KG手提上機, 所以就諗可唔可以先帶啲過去, 因為未知租到邊度, 又唔知使唔使買車, 如果靠係超市拎住被舖行路, 真喺無可能. 唔知各位已經生活喺英國的朋友, 9-10月11月天氣唔知如何? 之前去幾次旅行都係9月中下就離開了, 所以之後的月份天氣真係唔知如何?
如果未有計劃買車都係一個考慮，咁你要買定壓縮袋嚟放被鋪枕頭，同埋要買多件行李。
執衫方面，我當時嚟都係夏天，冬夏樣樣執啲，因為想慳錢唔買衫，又預計唔到船運幾時到。
買件3合一嘅褸，香港買會多款選擇，秋涼落雨穿風褸，凍嘅就加埋內膽著，咁唔洗帶幾件褸上機。
枕頭去到買啦，跟身帶枕袋同床單就算
行李冇位架啦
你第一晚已經住租屋定酒店？
地區未定咩？
我果時為左方便就住一陣酒店，起碼乜都齊
少少錢唔好慳
我前面兩星期已經租咗類似民宿嘅BNB, 有得自己煮食嗰種, 話就離細間超市唔遠, 要到咗先知. 我哋揀咗伯明翰落腳, 希望阿女搵工容易啲, 我就希望唔大, 但都想搵份能承擔嘅part-time做下, 要睇運氣. 而且要看兩星期內能否租到合心水的屋, 都係希望有運啦. 壓縮袋買了一大堆, 暫時還未用到, 剩係執啲拉雜嘢都執到頭痛, 未諗過盡有咁多嘢想帶, 唯有不停地唸：萬般帶不走啊！
我有用壓縮袋袋好啲被，塞入紅白藍跟自己一齊飛
不過最終冬天時嫌啲被太厚，買過啲薄嘅
BnB 有枕頭果啲
咪租樓入住先買
我果時床褥未到就瞓住吹氣床褥先
想再方便啲就響BnB 洗定床單被袋，咁入伙咪有得用
2個讚
我離港時帶走兩套床單同幾個枕頭袋同兩個被袋 (因為公仔靚新買梗係帶走) 其他船運
呢度超市有得買 但普通款
枕頭 同 被 黎到先買 行李無位喇
不過留意你黎到可能鐘意換張king size床 地方大啲梗係想要張大床
咁香港啲細床單就可以bye
2個讚
所以我淨係會帶薄嘅絲棉被, 如果唔夠暖會喺上面搭羽絨大褸, 大褸諗住著住上機, 應該唔會被抽稱呱. 其實床單被袋已經係屋企洗乾淨了, 費事去到水費貴, 就算係BNB都唔想嘥時間同水.
如果唔係買自己樓, 就暫時唔會搞咁多嘢, 等真係買屋再考慮唔遲. 就算租屋都只想租有傢俬嘅.
我買左super king
其實有傢俬，會增加扣按金嘅機會
香港咁熱點著呀？
我5月嚟，見到有人著曬冬天衫上機
焗到傻，仲要中東轉機
手提外套算啦
我都係king size 咋 superking應該好正
不過我個仔就巴閉喇 佢一個人要張雙人床見有位放就由得佢 不過啲單人床單就要處理
Super king + 三邊落床
爽！
2個讚
其實想租間包傢俬 都未必咁易
有傢俬既又未必租比你
而我咁好彩真係租到間包傢俬既
叫做唔駛煩買傢俬咁 同一次過買傢俬要駛好多錢
但真係會增加扣按金既機會
因為佢check得好緊
我岩岩退左租 啲扣金都未退番比我
話傢具有問題 (eg 梳化唔知邊個位有損耗, 但我完全睇唔出 因為好少坐梳化
又話張床褥dirty, 但我已經蓋左保護床褥既cover先訓 )真係…
2個讚
我買b&m 同 Wayfair 平嘢，咁到時都可以照搬囉
1個讚