小朋友出緊風懶，望返原來佢上年同一時間出過，都係八月尾，日期只係相差5日。但係今年嚴重咗，面都有腫晒唔同咗樣咁 
最擔心係見到面都腫，要keep 住留意睇佢呼吸有冇事
想請教各位資深媽媽同埋對呢個問題有經驗嘅朋友，風懶年年都會復發一次係咪好common，好驚佢下年又復發
試下食敏感藥，平時要吸下塵蟎
1個讚
要找出敏感源，我自己係食物，避左唔食就唔會出。
1個讚
請問你喺邊度做？頭先睇醫生佢話香港得兩個醫生做，其中一個係養和
我小朋友都係咁，而家夏天好少少
1個讚
平時無，只係依段時間先有？我反而諗會唔會係花粉？留意下屋企附近有冇啲係一年一次／依排先開花嘅植物？
又或者係咪逢親暑假，玩到太累抵抗力強弱咗，所以會每年依個時間出。
1個讚
煲五花茶比佢飲
1個讚
我無做test，我一食到就出風癱，食緊時已經會痕，所以唔使test就知道。
1個讚
記唔記得上年出果陣哪裏，今年呢次又在哪裏？
1個讚
我仔間唔中都會出風癩，都係出喺面、頸同腰呢啲位，佢出嗰排我有記低曬啲飲食習慣拎埋去睇醫生，因為平時都係食開呢啲，就唔似係飲食引起
可能我有養貓，同埋啲風癩唔痕，我睇過三個醫生都話我好難杜絕啲致敏原，唔建議我哋做test,所以而家佢一起風癩我就幫佢敷吓啲金縷梅花水（唔痕但係會發熱，敷完舒服啲），嚴重時再食piriton就算
至於其他，換床單同吸塵蟎我哋都有keep住做
我唔覺得我處理得好
不過都分享吓
特別係出喺面同頸位真係唔好掉以輕心，無人知邊次會令佢呼吸困難
1個讚
我仔4月開始咁，戒食物又唔得時有時冇，驗左血話係塵蟎敏感，依家成日吸床，換防塵蟎床單，好好多，但一出街玩完有時又出風癲，唯有俾佢食防敏藥水（醫生開）唔使佢咁痕。
1個讚
我好耐之前都出過一次好嚴重既風癩, 生到成身都係, 生到面又有, 頭又有, 果次睇幾次西醫食藥同埋打左針都唔退, 後來藥房教我用酒餅摔身咁沖涼, 又WORK喎, 幾個鐘後就開始退
1個讚
我自己會出風癩, 出咗十幾年
而家個細女都會出(大女無出過)
除咗食物, 仲有其他原因都會有機會出風癩
天氣熱 / 衫褲太緊
我自己仲有金屬敏感
見到細女成日R到損哂都好心痛
勤啲同佢剪指甲唔好R損會好啲
1個讚
係呀我都試過
仲要突然出出下街就成身好痕
超尷尬
但係出現次數太少隔得太耐
好難搵到致敏源
我懷疑我係條褲橡筋太緊
1個讚
請問你邊度做？
你小朋友成日復發嗎？做媽媽真係好攰阿，我小朋友夜晚半夜特別痕，要樹起耳仔聽下佢有冇r… 開咗個頭就會狂r
我都係唔似係食物，因為同平時食啲嘢一樣… r 爆頭都諗唔到係咩事，無咩接觸新嘢，冇接觸動物，冇食咩新嘢…
八卦一問，醫生唔建議做test 係咩原因呢？覺得係啲避免唔到嘅致敏源，定係覺得無可能搵到原因，etc…？
我自己係想做的，但想參考專業意見，係咪有邊方面嘅考慮我漏咗諗。謝謝！
1個讚
阿仔隔日就出，反尾係私家醫生寫紙去化驗所驗血，因小朋友5歲，所以醫生睇左佢手血管係ok驗到，驗完先發現所有食物都食得，係塵蟎超晒標，敏感屬高，好煩架，食物都話戒，但塵蟎，有塵之類都唔得，出街食飯如果d椅係有布之類，就易出，冇理由拎部塵蟎機周街吸架麻
但拎定敏感藥。
1個讚
3個醫生都話驗到係咩引起都避唔開啲致敏源，叫我哋再觀察吓先，我諗好可能當時我仔太細（大約3歲幾），好難同佢抽血，而佢又無乜r過啲風癩，只係外觀上比較嚇人，所以3個都唔建議驗。只有1個醫生話如果我哋好堅持，佢就寫紙俾我哋去lab度抽血
仲有1個就問，你啲貓養咗幾耐？答完佢佢就話，如果係貓毛引起，你都唔會唔要啲貓㗎啦，咁佢就開定成枝piriton同一排抗敏感藥，叫我哋有需要先俾佢食
另外我都懷疑係溫度都有影響，天氣熱或者沖涼水溫唔夠涼佢都會易出風癩，咁我會煲吓啲竹蔗矛根水俾佢飲，感覺上清一清熱好似有啲幫助
1個讚
多謝你詳細資料… 見到你情況都覺得慘… 唔識多口問下，姨媽傢俬嗰啲除塵碌for 塵蟎會唔會有用？
我果個會 r，尤其太陽落山就開始嚟料 範圍又大手腳身面都有，見佢係咁 r 好想解決個問題…
我都注意下飲食先，長老好鍾意比牛肉佢食，可能減少下睇下點