成日聽人講，如果有兩個男人，一個只有$10 ，但佢會比晒$10你；另一個有$100 ，但只係會比$10你，你會揀邊個？
十蚊比十蚊我，要同個男人過世， 一定要搵個對自己好
1個讚
一樣，之後叫佢搵一百，比哂我
3個讚
完全奉獻晒比你，同只比10%你，任何人都會揀第一個啦。
金錢唔係只係金錢，某程度上都係代表緊佢心思放幾多喺你身上。
時間更加係，一個人願意花時間喺邊，直接表明左佢重視咩嘢優先。
2個讚
有100蚊，比10蚊你。
然後同佢講10蚊唔夠比夠20，
一段時間之後20蚊都係唔夠叫佢比40蚊，
再之後40蚊都唔係幾夠叫佢比60蚊。
4個讚
如果我得到嘅係一樣我就唔係睇果10蚊, 而係成個PACKAGE啦
2個讚
我要呢個, 至少佢或佢屋企人有咩事, 佢有錢顧掂自己先啦
2個讚
兩個唔要
1個讚
兩個都畀$10 你，咁有乜咁難決擇，多數揀前者。
有10蚊俾10蚊你，有200蚊俾20蚊你，先至要思索下點揀。
3個讚
都要睇埋有100蚊俾10我之後，佢用剩番嗰90蚊做咩。如果都係用黎經營喺自己家庭，我又ok
1個讚
如果佢使90蚊係買樓、去旅行、去享受都有我份，嗰10蚊只俾我責下袋，唔止ok, 直頭好！
2個讚
睇吓嗰10蚊係俾我賺錢買花戴，定係嗰10蚊係一頭家嘅家用，唔同講法喎
我都會睇成個package，如果佢能力太低，幾錫我都冇用
1個讚
太表面，唔揀
揀100蚊果個, 搵得咁少錢即係佢無鬼用。本身俾唔俾錢我都無所謂, 我自己養得到自己
1個讚
我都係咁唸。$10 比哂$10 我、冇自我冇能力的男人我唔會睇得起。反而大家有能力、我自己搵$100、你搵$100 比$10 我、我加埋自己有有$110 仲滿足。
1個讚
實際啲，玩大啲，銀碼分別再大啲，一個低級打工仔，月薪八千俾哂你，但交租交左一大半住劏房。
我唔用富豪身家，用一個專業人士有幾層樓在手，身家市值一億，俾資產一千萬你揸手。
兩個人品合格，當然要一千萬， 如果有錢嘅係衰格，會問呢個世界係唔係係得返呢兩個男人，仲有冇其他人?
我自己識搵錢，我唔會用錢去計
所以一定要望呢個十蚊老公要發達
自己養得起自己, 唔expect有呢筆意外之財
咁揀邊個都冇所謂, 都係$10, 一樣咁開心