近日做船運貨品裝箱時, 發現真是左右為難, 特別喺想按物品分類裝箱, 更係有困難, 有啲箱下下都超重, 換成大啲嘅箱又變著好多空位填唔滿, 若想填滿又會出現超重的情況, 大嘥啲由得佢, 又驚箱疊箱時會被壓扁, 搞到同類物品要同其它唔拉更的配搭成幾個唔同嘅箱. 咁樣做驚到時報關會好亂. 請各位朋友指點幾招, 有咩辦法可以避免以上的情況呢?
咁咪唔好分類裝箱。
1個讚
要全部滿 如果唔係有機會壓扁㗎 建議同一類放細箱 再砌唔同細箱入吉位 仲有 建議用書同紙巾sip 位
1個讚
- 分類係好，但又唔一家要咁做
- 個箱太重，辛苦班搬運工人，隨時受傷
- 我會封箱前影一影相，至少知箱入面有咩
- 而家紙箱出面好多都可以tick 廚房呀，廳呀，睡房，方便分類
2個讚
Good tips
我之前船運每箱重 25kg, 細箱裝書、相簿同相架，中箱裝廚房廁所用品、文具同雜物，大箱裝玩具、衫同公仔。箱未滿但重量差唔多就塞紙巾、口罩、M 巾同激落君海綿填滿佢。唔填滿個箱有機會疊箱上去時會壓扁，要擰啲輕身嘅嘢填滿個箱。每箱用 list 寫好裝咗乜，封箱前再影張相，貨到就可以容易搵得返啲嘢放邊個箱
我帶得多書，每個箱都係放十零本書落去，咁每個箱就唔會過份地重
用實淨啲的紙箱，我嗰啲未入木箱已經開始扁
盡量pack多幾箱，可分為必要/次要用品，因為搬運哥哥好勁，會幫你砌到仲有好多位剩，如果有位剩就塞埋次要用品落去，再唔係買定7、8條紙巾攝
唔洗分類，唔影響報關。我都係打亂曬
你意思係每個細箱都會幫你砌?
我冇你咁有計劃, 書就放晒一個箱, 結果要塞其它無喱拉家嘅嘢落去.
我間船運公司大中細箱都限20KG, 所以細箱好容易滿, 但就用不晒啲重量, 而中箱就好容易超重但仲剩好多位, 大箱還未開始裝, 都打算裝衫褲就算, 可能都唔容易, 所以好頭痕. 唔係想用到盡慳到盡, 主要係驚裝唔滿嘅情況下, 箱疊箱一定會壓扁. 我依家就用口罩同快測仲有頸巾襪來塞位, 遲啲就可能會出動紙巾來塞了. 船公司要求唔能夠封箱, 到收箱時檢查過先可以封, 有機會仲要再調整重量. 唔知朋友們嘅情況係咩一樣呢?
我果時都係每箱寫低入面係大約放乜，咁容易d揾到。
因為而家租屋，所以有箱開咗但唔係樣樣野都要用，咁又會半箱半箱拼返做一箱再封返埋。
而家你亦唔需要運咁多口罩過嚟，而家98%嘅人都唔會戴，要sip位最好用膠袋包裝嘅大紙巾（屋企食飯抹咀果d）因呢面好貴