代號L.S.K.的31歲男被告，被控於2022年1月在元朗山下路山下村某村屋住所內，作為對男童X負有管養、看管或照顧責任的人，故意襲擊男童X，其方式相當可能導致男童X受到不必要的苦楚或健康損害。被告今天沒有律師代表，他親自進一步求情指，他在還押的14日中反省到照顧2名兒子的行為是有不對的地方，承諾以後不會再犯。
案情指，在2022年1月某日下午，X的母親在客廳看到被告蹲在地上，手持黑色衣架指住X，X則在哭泣。被告十分憤怒，並不停用髒話罵X。其後被告用衣架多次擊打X的臀部附近位置。
網上流傳的影片是由X母用手機攝錄，她聲稱只分享予朋友。今年5月31日，該影片在互聯網和報紙上廣泛傳播。有社工從影片中認出被告和X，故向X母查詢，並在查明事實後，於6月2日經社會福利署向警方報案。X在錄影會面表示，被告曾將他推地、打他並用腳踩他背部。被告被捕當天在警誡下稱「阿Sir，嗰日我打個仔係好耐之前嘅事，我都唔知點解我打仔嗰件事會比人拍低咗短片，同埋流出咗。」其後被告在警誡會面中承認他就是影片中拿著衣架的人，並承認曾以衣架襲擊X。
個人感覺，兩公婆都有問題。
個阿媽除非想搵人幫手報警，好似之前x 警個前妻咁，唔係share 俾朋友做乜？
所以個老母淨係企晌度拍片？唔去阻止個老公咁樣打仔法？
我老公有時大聲同我仔講嘢，我都喝番佢轉頭啦。
阻止唔到嘛，
個老公禁激動，
行埋去分分鐘老婆都打。
我覺得個老婆拍片，
個老公應該唔知道。 
好慘用衣架體罰…仲要男人啲蠻力，小朋友皮膚唔裂已經要還神。
個老母淨係拍片都唔去阻止？
如果係我，我會同個男人死過，大巴大巴咁車醒佢
有社工跟進, 都好難無問題…
但睇佢地屋企環境都唔差, 似有讀過書…點解可以做得出…
係唔係啲圍村佬？又大男人又牛脾氣，一人獨大咁。
佢既行為係令人髮指
但佢又係低能
分享症發作自己send 條片出黎先俾人拉到
好彩佢身邊有人share 出去
我細個就係咁大，由幼稚園打到小六。
衣架已經唔係最勁，有木棍，摺椅，白衣人籐條，拖鞋，拳掌咩都有，老豆係學過武術，所以後生時中佢一掌係我個身上有明顯五隻手指印，跌打酒我一個月用到大半樽。
中學我高過老豆，先無再被打。
我睇完呢條片，覺得好嬲，呢啲男人死十次都無用。
以我細個時候嘅經驗，呀媽唔出手救係有可能，我呀媽係唔會 stop 我老豆，我俾老豆打完呀媽就幫我搽藥。
該主題在最後一個回覆創建後90天后自動關閉。不再允許新的回覆。