阿仔兩歲幾。。久唔久就會怕佢大個唔知會點
係咪正常架？
怕佢大個矮過人。。怕佢大個變樣唔靚仔。。。怕佢萬一touchwood 唔健康。。怕佢入唔到好學校。。怕佢出到去讀書番學唔係個個都錫住佢。。又怕唔識教佢做人處事
心知擔心咁多都無謂。。不過久唔久就擔心下，請教下大家點樣先諗少d ?
2個讚
個個媽媽都會有呢個階段，正常的。
1個讚
其實… 生之前都好多嘢擔心，又驚佢唔穩，又驚佢有隱性問題，又驚出世唔順利，又驚餵唔到奶… 咪又係咁捱過？放鬆啲啦媽咪
3個讚
養兒一百歲, 長憂99… 我個女成人啦… 我有時都會擔心佢識到渣男… 
做阿媽, 正常啦…
4個讚
正常啊
大個又擔心佢識到壞朋友
生仔又驚佢搞大人地個肚
生女又驚佢俾人搞大個肚
每個階段都有唔同擔心。
我自己阿媽，到我推入產房前，擔心我生唔生到，佢問我識唔識生仔
1個讚
身體健康最緊要，其他嘅事平常心，盡咗力俾最好嘅資源已經足夠，唔好同其他人比較
2個讚
唔同階段自然會有唔同憂慮，有係正常㗎，諗吓邊啲自己可以做嘅就盡力做好啲，自己改變唔到嘅就唔好再花時間諗…如果變成過慮就唔好喇
1個讚
媽媽稔咁多無謂野,如同驚弓之鳥,攞苦黎辛. 輕鬆啲同小朋友一起享受愉快童年就得
1個讚
係好多嘢擔心，但最重要唔好忘記初心，健康快樂。
1個讚
可能你生活重心喺晒小朋友度，所以諗嘅嘢都圍繞佢。
你平時有冇自己興趣？抽少少時間自己學下新嘢、培養自己興趣，等啲心思花啲喺自己度啦。
我當年都係咁架，由懷孕開始好多憂慮，擔心佢健康、學業，
而家個仔20幾歲，就快大學畢業，一樣都係擔心佢前途、適應社會。
2個讚
我細b早產喺nicu住，只要健全，我已經要開心～
唔好擔心，只要為小朋友的存在而開心。
1個讚
嘗試諗「現在」多啲（老土咁講，活在當下）
不過真係好難，要修行好高先得
1個讚
真係每個階段都有嘢擔心，未做媽媽係唔會明
以前我以為我會擺低阿仔自己去街，依家望到實一實
證明你媽媽好錫你呀 
都係。。要學下平常心好重要 
你講得好啱。。。有時辛苦又加左壓力俾自己
係 我重心完全喺佢度
朋友約我都帶埋佢 
佢番左學可能會好d
做左阿媽就會明 
1個讚
男仔唔靚仔矮仔樣衰都無所謂，你努力儲錢買層樓俾佢做「嫁妝」，唔駛驚無女