大家有無做定期抗通脹?黎緊自己有筆定期到期, 上年做落既, 筆錢又唔太大唔太少, 諗緊加碼續唔續好定係有其他更好既選擇?
定係見個市跌得多, 開始係時候值得月供股票?
定期無可能抗到通脹
11個讚
邊個話個大市跌左咁多唔會再大跌?
兩年前都估唔到疫情爆發, 拖到今日都仲未完?!
買股票你要睇住, 又要買得中先得
之前自己都有買過XX爸爸 , 賺過無走, 結果倒輸…
1個讚
應該話冇嘢可以穩嬴抗通脹
個個都抗到通脹又何來通脹
所以定期又好, 投資又好, 就算揸cash都好, 都係一場對賭
一日未放都未叫輸㗎！！！仲有希望
1個讚
真係唔知幾耐先返到家鄉, 仲要政策又成日變…
我平時冇咩投資，而家有做定期，但唔會做好長年期果d，雖然利息唔多，不過叫做好過冇咁囉。
2個讚
係, 樣樣都加曬價, 食野, 超市買野, 車費都見到加得好明顯
呢1，2個月，啲息高返啲
即係幾多里？
我無仔細睇呀！因我少定期
好似都有3左右？要一年
港元定期一定唔夠抗通脹
一係就做外幣定期
好多年前澳紐元都多人做
(無留意好耐, 宜家唔知)
但係又有匯率風險
我有筆離岸不是美金，宜家匯率已跌左HKD一毫，肉痛死
咁既環境又無得去旅行， 匯率萬一跌左都無地方可以用。。。
間間銀行唔同，3個月以上嘅定期都會至少有2。
我有700,有排都返唔到家鄉 
美金好似無乜息？ 就咁放離岸無息收好似無乜意思
有，但定期唔係有效抗通脹策略。如果大家有睇過 The Intelligent Investor，咁應該提及過兩個傳統途徑，一個係通脹掛鈎債券，最易買果個即係借錢俾香港政府，買唔買就自己諗，其他國家嘅我未買過；另一個係 REIT，但早前政府宣佈疫情期間免租，所以香港嘅 REIT 都收埋皮。
如果買咗上面啲股, 有機會變墻紙, 好似我起碼12年前買入2600(XX鋁業), 輸到家陣直情有耐都未到家鄉添. 所以買股票真係好考人, 如果咁容易做, 啲講股佬就不使出來拋頭露面講股啦. 雖然話擺現金唔穩陣, 但在當今電子貨幣大行其道之時, 點都要有現金係袋嘅, 唔喺一個唔覺意遇到舊年鄭州水災的情況, 電子貨幣死哂, 真係要靠現金打救架.
想穩穩陣陣 會唔會買綠債?
(D債已經出晒街 概念已經唔係幫正苦買)
(進階D當然買美債好過美元收息 不過未必人人想掂)