3個讚
接受教育多啲嘅人會想比仔女多啲唔同嘗試（例如：學才藝興趣班） 學嘢都用唔少錢。另外父母都希望自己可以維持到一定嘅生活質素，自然唔想生咁多（甚至唔生）。
我阿爸阿媽嗰代就係天生天養，窮人有窮人養。我記得我同我爸講我想學琴，我爸話屋企無錢學嚟做乜？
有時我都會諗既然屋企唔富裕，生咁多做乜（我樓下仲有一弟一妹），我老豆仲曾經好自豪咁講，當年買咗樓之後戶口得番幾舊水。
其實都對我而家生兒育女有影響，我唔想過呢啲日子，更唔想自己個仔過呢啲日子。我仔仔（4歲）都講過幾次話想要細佬妹，但我就真係過唔到自己嗰關。
6個讚
接受教育人的人會籌劃將來，多為仔女設想， 唔會講天生天養
2個讚
以前d人唔會諗呢d，你老豆咪叫有本事囉，起碼買到樓俾屋企，以前生10個8個，個阿媽根本湊唔掂，硬塞俾大果個湊，俾人夾硬剝奪左童年，最可悲係過左幾十年嘅今日，拎返呢d事出來講猛咁吹奏舊時d細路幾生性幾乜乜乜，話而家d細路唔捱得，d人都cls架，而家咩年代呀
9個讚
乜野窮人的孩子早當家，七歲識煮飯（Gordon Ramsay 個女另計），完全唔覺有咩馨香，根本被迫成長
仲有呀成日批評而家d父母湊一個都湊唔掂，以前湊10個都係咁啦，我真係想講個時都不見得d阿媽湊得掂，咪又係塞俾大果個湊，仲要放養唔理唔教，都唔知有乜咁叻，反而而家我地呢代又要出去搵錢又要湊仔又要培養仔女，我覺得叻過佢地多多聲
8個讚
印度啲人重男輕女好緊要，
女仔唔比讀書，
做家務去到十幾歲又話屋企窮。
早啲嫁人。
嫁左人男人又係咁追仔。
變咗啲女人不停咁生。 
當年殺左咁多人，要還嘅
4個讚
久不久就有人吹奏窮人仔女特別生性
咪玩啦，迫出嚟咋
大把窮又唔識教又再loop
琴日訪問話住工廈劏房，話個仔女偷偷摸摸，個老豆唔係今日先咁梅，學人生仔喎
可能都係成日同仔女講要賺錢。
叫大果個做家務，
煮飯比細佬妹食。
細佬妹跌親受傷，
就抓個大既係咁打。
變咗大幾歲嘅就好似父母咁。
2個讚
點解係呢個emoji
睇下19年之前嘅問題青少年（入獄嗰種），有幾多個係有錢家庭
1個讚
其實係覺得果到啲女人好慘，
無得揀。
報應
1個讚
所以由細到大我極度憎窮人的孩子早當家呢句說話(可能因為我細個俾人話過)，根本係冇得揀被迫
1個讚
賺乜L呀，個時d阿媽個個都家庭主婦來架，邊似我地而家職業婦女擔起頭家，個時d c9好多掛住打牌唔湊仔就真，咪大果個負責囉
2個讚
其實都係嘅，我諗佢做得最好一件事係至少買到樓
有錢人偷嘢就壓力大，體諒感化
窮人偷嘢就係為錢貪心，要坐監
見唔少啦
1個讚
以前個個窮冇得揀，唯有發奮出頭
但而家社會富裕，唔係話要培養仔女成材，起碼要教育佢做一個正直誠實嘅人，貢獻社會。太窮嘅家庭未必有空間做
做父母嘅冇父幹比仔女都起碼唔好下下要個仔女養，要佢哋比家用就算，唔使佢哋負責埋住屋
我身邊就係好多人要養父母仲要幫父母租屋，根本冇能力移民，我覺得啲父母好自私
1個讚