話說小朋友3歲半左右（10/21）已經開始無瀨尿，突然去到4歲時（5/22）就倒退番，
情況仲要好似愈黎愈嚴重，
由開始時每晚1次變到宜家每晚2-3次。🥹🥹
好困擾，晚晚起身換衫換床墊
係咪發惡夢？
有冇學習、生活壓力？
有冇試下控制飲水、湯既時間？
一晚3次大人小朋友都訓唔好
我小朋友升年級之後試過咁，即使去到8歲都仲瀨尿，係壓力影響
應該係壓力，我細個都係咁，持續左幾年，千祈唔好打鬧佢呀！會影響佢心理發展架，呢d佢都唔想，控制唔到。我細個老豆因為咁晚晚都打我鬧我，所以幾年都唔好…
可以睇醫生，我o個時有部機仔，有個夾夾住條底褲，底褲濕左佢會響，唔知依家仲有冇……
2個讚
除咗壓力
樓主本身有無陀緊個B? 或 環境有改變？ 同老公關係唔好 之類？
如果無，有無去醫生檢查一下小朋友生理功能係咪正常？
一晚三次，點解可以有咁多尿？
睡前/半夜 唔好俾佢飲水，上床前再去多一次廁所。
曰間不妨去多幾次厠所，唔一定急尿先去，
目的係要比信號身體『日間可以去多啲廁所。』
請問呢部叫咩機？邊度買？我小朋友6歲半，但即使8點幾食完飯有飲湯，9點半前訓，呢段時間冇飲水，都去左幾次廁所，但訓到2個鐘左右，都懶尿。。然後換全身衫褲。。到3，4個鐘後，又濕曬。。又換，直到天光7點幾先冇再濕。。點解我會知道佢咩時間濕左呢？就係我自己手機度教鬧鐘，到搭正該個小時內，每1個小時響，叫醒自己去睇下佢有冇濕。。結果冇濕。
咁就係1個小時與另1個小時之間裡懶左尿的，但我鬧鐘冇響，因為未搭正該個小時。
真係身心疲倦。。。人都癲，第日 一大堆佢既尿衫褲同一張薄綿被要洗。因為沒尿片著，所以叫佢訓皮沙發，所以免去換張單。
發脾氣鬧過佢 但佢又驚 又5開心 我鬧完佢 我自己心都5好受 因為5係想鬧佢
已經幾十年前，我唔知依家仲有冇得賣，我仲keep住部機留念。o個時係政府專科醫生介紹我地去一間公司買呢部機。o個時我老豆要我著尿片訓，佢之後先冇咁發癲打鬧我，可能因為咁壓力又少左，我之後先自己好返。所以我唔sure呢部機幫到我幾多，部機上面有牌子名，你可以搵下有冇。個夾入面兩條金屬就係感應器，濕左就響。
我明白你壓力都大，但佢小朋友都好無助，要靠大人諗吓方法。你既緊張責罵，都會造成佢情況嚴重左既一個原因。了解下佢有冇咩唔開心。同埋淘寶有得賣床辱防水保護套架, 咁瀨左尿張床辱都唔怕濕啦…(我知道呢度唔應該提淘寶)
1個讚
日日咁換法你會好辛苦，壓力一大又好難唔鬧佢，明白你呀！
我小朋友細時瞓覺用呢種隔尿裙，入面著底褲就得，唔使下下換床單，你試下搵下邊度有得賣。
因防水床單好焗背脊，所以當時我就買呢種裙比佢地著，到小朋友大大下亦無咁傷自尊心，唔瀨尿都可以暖住個肚仔。
我小朋友差不多6歲,已戒片好一段時間.大半年前移民外國後佢又係晚上瀨尿. 已經控制佢訓前兩三小時飲水的量. 應該真係環境轉變小朋友有壓力但佢自己唔知.
一睇先發現原來外國d尿片係出到中童size,所以穿到10歲都仲買到. 所以訓覺我照比佢穿尿片,總好過濕完再換衫換床墊.
最近情況轉好,瀨尿偶然有發生但唔係晚晚.
原來好多家長都有呢個問題。
應該無發惡夢，因好少喊醒
好好奇，下次專門去行下尿片區睇下先
該主題在最後一個回覆創建後90天后自動關閉。不再允許新的回覆。