點解咁多香港人都有奴性重、盲目服從嘅問題？
3個讚
我覺得係要搵食養家,香港人習慣既食,玩,生活便利好重要。只要一掂到呢幾樣,好易投降
3個讚
仲有就係「一窩蜂」（即係跟風）
5個讚
高地價政策幫唔少。
2個讚
由細到大嘅教育，細細個老豆老母就開始教一定要乖一定要聽話，唔係嘅話就體罰，讀書時期老師又係咁教，要乖要服從，要聽話，老師教乜就係乜，乖嘅服從嘅有糖食，唔服從嘅就罰，由細識性開始，教到十六、七歲，基本上都巳經入晒血，到出嚟做嘢都唔敢反抗要服從上司。
但呢啲都係六、七、八十後嘅人多，我發覺九十、零零後巳經唔係咁，多咗自己主見，跟自己性格喜好去做，有自己睇法，可能係因為近年教育鼓勵學生發表自己意見
，忠於自己、另外佢哋資源亦都比七、八十後豐富，少咗養家壓力，唔想撈就唔撈，家中有父母支持（因為通常都係獨生子女）。
另外同埋舊代父母亦都有影響，細個父母搵食艱難，所以佢哋都會不停灌輸小朋友要聽話要乖要讀書識字脫貧，但近代嘅父母無論學識定金錢都比以前舊代父母多，所以除咗不停吹谷小朋友讀書外，亦都會鼓勵小朋友跟興趣去發展，表達下自意意見咁上下
18個讚
講真，如果香港搞得掂衣、食、住、行呢四個元素，我諗應該個個都會好開心，天下太平。但好可惜，香港「住」 係死証，永遠搞唔掂
3個讚
無得遊行抗議，無晒反對聲，唔跟做就要拉要鎖，告你犯Ｘ安法，可以點?
4個讚
呢家仲多加咗「食」出咗問題。
1個讚
越嚟越似大陸，盡量唔比啲人去講政府壞話。抓到就去坐監。
好幾個討論區因為咁關左。
2個讚
係囉~~~~ 壞話都唔俾講，都痴痴地。
事實就事實，有問題就要出聲架啦。
1個讚
「奴性」好明顯係大6用詞。
非常同意
對香港人黎講食買玩真係好重要
係~
我地果代父母都係教去到邊都要聽話
衣食住行只係人類動物性方面嘅基本，但人類同一般動物唔同，有個人意志，好難好似屋企寵物咁樣被飼養，精神需要比維生需要更有影響力，所以人類可以因為愛而做出捨已為人嘅事。
呢個跟星加波差唔多，生活安定，好食好住，自然會乖。
衣食住行，住係死症，但係香港人慣咗賣命去解決住嘅問題，所以咁多年都唔係問題。
食，有兩餸飯，習慣咗就無問題。
衣，衰極都有衫著嘅，放心。
行，我哋有安心出痕。 一個紅馬邊度都唔使行，對外交通就窮啲都唔使諗，機票只會愈來愈貴。
1個讚
係囉。
我見公務員secrets 嗰個group，都係講下啲內部嘢。唔換水呀～ 啲男女關係呀～ 針對文化呀～
好多私人公司都會發生嘅事（我只睇過類似嘅post)
咁都要拉。。。
2個讚
根本儒家上至下，大至小嘅思想
4個讚
我覺得貓都好有個人意志架
1個讚
Jm, 一語中的，儒家思想文化真係影響深遠
2個讚
這叫言論自由