該名女網民於香港討論區發文，主題為「奶奶竟然執人哋啲祭品返屋企食」。她指自己奶奶一向「好慳家」，日前奶奶出去拜祭燒街衣後，晚餐非常好餸，有豬有雞，惟食到一半時竟「食到啲灰」，「睇真啲食物上面仲有啲黑色點點，我即係吐左出嚟，奶奶仲好淡定咁話，應該係燒嘢啲灰，仲叫我唔洗驚！原來咁好餸係因為嗰啲都係佢拜完拎返屋企嘅」。
她坦言不太介意吃拜祭後的祭品，「我都明食得唔好嘥，唔好浪費食物係好事，但係奶奶仲拎埋其他人拜完留低嘅祭品返嚟！ 咁樣做真係好咩？先唔好講食物衛生嘅問題，人地話晒都拜拜，係畀啲鬼食㗎，咁樣拎番嚟好咩…」。
多名網民均指事主的奶奶非常大膽，呼籲事主應同老公反映意見，「攞自己拜嘅無問題，食咗求平安，但攞其他人既野，真係唔係咁」、「執埋人哋嗰啲又誇張咗啲」、「慳成咁第１次見」、「食完撞邪或肚痛是旦一樣野都可以好大鑊，唔好做埋啲咁恐怖嘅嘢啦」。
7月節冇人拜呢啲㗎喎
自己嗰啲都無所謂嘅。
但執人哋嗰啲，點知份食物幾時買&擺咗幾耐⋯⋯
痴線，慳到咁，唔係窮到無飯開呀？走去執人地拜祭既食物，亞奶奶真係上身呀！畀我即場鬧爆佢，呢啲老人家唔鬧唔得。
之前唔係都有個B6大學教授係咁, 符合蟈情嘅
燒街衣祭品應該係：龍眼乾、芽菜、豆腐，水飯。
應該唔係燒肉雞？
可能係拜祖先⋯⋯
係啦咁似以前中大果個大陸女教授? 
我都同意自己拜完既自己食番唔緊要
7月啦, 佢又可以大快朵頤
會唔會係自己拜完屋企親人之後拎返屋企食架? 因燒街衣應唔會用燒肉雞WOO…我地7月係會去拜我已過身既爸爸的…而家唔方便即場除口罩食燒肉雞﹐都會拎返屋企夜晚食返既
拜祖先燒肉，雞唔怕，我細個嗰陣呀媽拜完山之後，我要食幾餐男人的浪漫。
呢啲就唔好啦，一來唔好食，豆腐好易「叔」，二來真係唔好同鬼搶食。 以前入夜會有野豬來食哂呢啲嘢，現在野豬唔敢來，留返俾食環清理。
好似係人哋拜祖先唔要嘅祭品，佢執返屋企食。
佢奶奶係咪李微？
該主題在最後一個回覆創建後90天后自動關閉。不再允許新的回覆。