話咁快完成K1, 但呢年唔係好feel 到幼稚園的樂趣， 學校少活動， 有活動都受d 防疫政策影響， 例如家長無得參觀活動（改youtube 直播）， 帶口罩不在話下， 一張口罩班相都無，想問下其他幼稚園係咪都係咁？係咪結業禮家長無得參加？ 應唔應該轉校？
咁就轉校？
其實而家仲係疫情，小朋友仲要咁細個，
其實你轉去邊間都一樣架勒
3個讚
間間唔同，你比較下朋友或識人讀的，再決定讀緊的是否你想要（我知的k1有活動，有結業禮表演家長可睇…）
我小朋友間幼稚園無結業禮呢樣。只有K3畢業禮。
全班班相都係用証件相KEY個頭落公仔就當係。唉~
多數係畢業禮可家長參與咋，我小朋友就算冇疫情下，KG、小學都只有師生參與結業禮。
係小朋友感受唔到番學樂趣定家長感受唔到樂趣？
你講到好似俾左咁多學費冇回報咁
4個讚
我啲細路仔十年前k1都無咩活動，因為太細個唔可以出去參觀㗎。
不過以前幼稚園就成日影好多相貼出嚟引家長買，$3一張，一個生日買成幾十蚊相，幼稚園好好賺。如果數碼免費相，我會覺得係幼稚園見無利可圖，費事影
有無諗過唔關學校事？
疫情下，間間幼稚園都係咁上下
親子旅行、運動會、家長觀課、家長講故事…全部取消
所有課堂上影的相都係戴住口罩
連畢業相都係合成相嚟
我女讀左3年，我都唔係太認得佢啲同學仔
4個讚
我都有小朋友剛剛完左k1, 學校有結業禮，有表演，家長可以live睇。佢地k3畢業就借中學禮堂攪，家長可以去參加觀禮。
基本上所有參觀同課後活動都cut晒，非常可惜。但小朋友都好識爭分奪秒，放學時係校門派禮物派小食，其實有無派都無所謂，志在stay 耐d同同學有多d交流。如果你抽空多d接放學，都可以識到家長。
相同video 無少到，有影就會upload.
k3畢業有影班畢業相，小組畢業相，個人畢業相，全部都唔使錢/非常平的，但無底片得hard copy or 一本書出返。
前2年疫情嚴重都係咁樣處理
今年學校擺明搏一鋪，搏到，我地家長都好擔心一場空。
我小朋友今年K2，學校有安排結業禮，小朋友有跳舞表演，有頒獎，家長可以參加。上年有親子旅行，聖誕嘉年華等，今年小朋友都有跟老師出去參觀牙科診所、戶外活動等，應該係cut咗家長義工嘅活動，希望下年K3可以多啲活動俾家長參與，由N班下學期就一直帶口罩
⋯⋯
依個時勢仲有親子旅行咁好 
， 介唔介意透露邊間。
上年11月冇乜確診個案時攪嘅親子旅行，係沙田區真理浸信會其中一間幼稚園，雖然帶住口罩，但小朋友有得同同學一齊放電已經好開心
咁又真係幾慘
畢業連一張真正既合照都無
吓，樓主因為咁就想轉校？究竟係你想定理想？
宜家疫情，無咗好多活動都無可厚非，如果疫情下勁多活動，可能到時你都唔敢參加。
有時覺得宜家幼稚園啲活動，好似滿足家長多過小朋友咁
1個讚
有口罩班相，有口罩畢業相，有畢業禮但無家長
無茶點、無旅行、無觀課，有家長講故事
識其他有幼稚園畢業禮可有兩個家長
因為活動有規定要相隔一米，所以學校編排唔容易，
有資源的學校相對容易處理
因為防疫L+投訴L比你想像中多好多
梗係收緊好過放寬
大女k3，我覺得學校好有心，校長老師因為覺得小朋友因疫情失去太多，為左小朋友有多d回憶，復課後搞左好多參觀活動，有家長義工幫手，又有親子畢業旅行去沙灘，而且當好多學校初時糾結防疫政策搞唔搞或無打針小朋友可唔可以參加畢業禮時，呢間幼稚園由始至終都堅持係大會堂搞畢業禮，而且所有小朋友都可以參加同表演，好令我感動，最後返學時又有家長都可以參加既結業禮，好感恩揀左呢間幼稚園，雖然只係普通邨校
2個讚
欣賞你
無錯
返學唔係只得讀書