該名網民近日在「生仔要考牌系列」社交群組撰文，提到早前在商場逛街期間，與女兒一同到洗手間。由於當時有不少人排隊，因此與女兒直接在親子廁格外等待。隨後，該名網民目睹一名目測已懷孕逾30週的孕婦步出親子廁格，隨即直斥對方「搞錯呀？親子格唔係畀你哋用㗎喎！你又冇拖住小朋友，個個都走入去，你叫我哋拖住小朋友嘅要等幾耐？」對方回答指，「我好急尿」，她則反駁指「「急尿大晒呀？你成年人唔識忍㗎？小朋友就話啫。」
隨後，對方在洗手後再表示，「阿姐，將心比己啦，你自己都大過肚」，並指自己已排隊等候多時，因看到有人步出親子廁格才進去。而該名網民在聞言後則反駁指，「你可以等其他格㗎小姐，親子格係畀我哋有小朋友嘅人用」，又指對方最終在沒有回答下離開。
相關帖文隨即引起網民一面倒批評，並認為該名孕婦使用親子廁格沒有問題，又留言指「你有排隊，排到去邊格有位就入邊格冇問題」、「其實呢啲親子格，同關愛座咁上下原意，當有需要嘅人在場咪優先用，冇嘅唔代表其他人唔用得」等。另有人則慨嘆「其實大肚婆都好難忍尿的，佢自己都生過啦，應該好明白個感受係點」、「女人何必為難女人呢？」等。
又係一個以為世界圍住自己轉
咁小事都見報
我同意個媽媽喎，可能佢個女急到瀨咁濟，等到廁格有位，點知行出黎嘅得一個大人，所以咪嬲囉。
論優先，「親子」就當然係小朋友優先，論忍尿能力，估計都係孕婦比較忍得，比較可以提早預時間去排廁所。
佢講果句將心比己你自己都大過肚，更加唔係個個大肚婆都會尿頻，好難認同佢。
不過我諗個媽媽都係遇過好多次親子廁格比普通人佔用，所以都激動左。
批鬥廁格 
咁小事都發文，好得閒啊？
咁人地排到見無人，自己又排左隊又急，唔通唔去咩…同埋，佢咁得閒鬧人，無即刻衝入廁格，証明佢個女都唔係好急啫…
所謂既親子廁格都好似係同其他廁格平排，入面大少少，可能有個bb櫈/有個小朋友廁板。
一般排隊邊格有人出咪入囉，孕婦可能都係照平時排隊，當刻既親子格無人企o係度排照入無問題喎。
從來都唔知道原來親子格係有優先，如果我係阿媽需要用親子格我會照排隊，等到我先表明淨係等親子格，其他位置就讓俾後面。
個港媽入到去親子格係咪自己唔會去? 如果會去既話咁佢咪打晒尖?
係咪打晒蛇餅但親子格有位都唔可以入?
由文中港媽描述，個親子廁所唔係獨立出黎一間果種，只係大女廁入面其中一格，應該所有人都係照輪。
任何女士，輪到自己而又無"所謂有優先使用權既親子組合"行使"優先使用權"的話都可以照入。
我唔認同依d廁格有人會有優先權，個阿媽入到去係唔係唔會痾?
痴西殻
人哋都話急尿，仲咁計較。
況且 孕婦 係忍唔到尿。
原來親子廁格唔洗排隊架咩
細路大哂呀？而家好多西父母再養出西小孩
依家啲報紙係咁，人民鬥人民，階層鬥階層
我認同有優先權，但係優先在於如果排隊時已有小朋友一齊排，我覺得小朋友同家長應該優先入去（但唔讓，又未至於好大件事）。
但如果排隊期間見唔到小朋友（起碼排到輪到成人入廁格嗰一刻），ie 孕婦入去時小朋友都未到場，否則的話以呢個阿媽個性格應該唔比孕婦入廁格，就邊個排到邊個用。女廁不嬲多人排，係無需要人士時吉個廁格出來好浪費資源
咁我都有咁諗嘅，咁得閒鬧人，倒不如快快趣帶小朋友入去痾…
大肚婆又係，都痾完仲解釋咁多做乜。如果文章寫嘅內容屬實嘅，大肚婆比人話之後第一句解釋「我好急尿」，已經代表左「我知唔應該用，但我要用」。如果覺得有需要就用先，呢個諗法又無乜嘢嘅，好多人都係咁諗，不過應該就唔會同佢解釋自己急尿囉，可能會答：咁啱排到咪用囉/無小朋友要用咪用先囉/點解無小朋友唔用得？
文中淨係話位大肚婆話自己排左好耐，無提及到底係唔係排到佢，評論唔到咁多。
如果，已經排到我，而我眼見後面係無小朋友排隊嘅話，我都會用嘅。
X2 其實咁講就得，或者唔應個阿媽都冇問題，
香港人都應該明，優先座、特別廁格冇其他有需要人士在場，咪照用囉
人人想法唔同嘅，我兩睇，如果我係無小朋友單獨一個人，盡量唔會用嘅，等多一格都唔會難好多（肚痾例外）。
如果我係帶住小朋友嘅媽媽，見到廁格出黎嘅係大肚婆，都會體諒嘅，如果見到係唔似有身孕嘅一般女性，都唔會介意嘅，點都唔會開口鬧人囉，都痾完喇，話人地有意思咩。
（我比較介意對方用得乾唔乾淨）
其實拗黎有啲無謂，優先座爭議先大，留位派同照坐派勢不兩立咁….
我覺得，正常健康嘅人見攰想坐當然無問題，最有問題係坐住左又唔讓返比有需要人士果批人丫嘛。
排你後面既人會提你去或者直接爬你頭入左去加多句ON居 
同時間有好多格就唔會故意揀親子格。
不過點做都有另一班人既意見，如果我係排隊到左我而又係親子格我會照入，出到黎俾人話就唔好怪我唔客氣。
大肚婆係難忍尿架啦，咁小事都鬧人