普世價值 大家都有既 尤其是經過呢幾年 大家睇得好清楚
不過普世價值 都唔係話你想用就用 任何timing都可用
點解大家抵制cctxb 又唔抵制viu?
最簡單就係cctxb 一錯再錯 錯完又再錯 死不悔改 仲變本加厲…
咁我唔講多喇 你自己衡量吓 依家viu既情況係去到咩地步
你出發點係好 但如果使用既時機點唔啱 喚唔起大眾既同理心 係無用的
隨時仲適得其反(又係果d嘢囉… 點解我地要咁做 點解我要聽你講 點解你可以代表晒我地… 不勝枚舉)
… …完嗱! 
1個讚
我覺得係viu比大眾有一個喘息嘅空間
造就咗新一代藝人
但唔代表呢間公司永遠唔會錯
1.錯咪交代囉…
2.繼續錯咪唔buy囉…但呢個情況並唔係我樂見
我寧願要1都唔要2
3個讚
夠唔係得我一個覺得有問題啦…
係呀！全世界都係有問題，最叻就係你。（曲）
1個讚
有時有d 野同環保一樣一人行多步先得既，係無乜人會岩聽，唔好旨意一般人救地球丫嘛
政府已經要求藝能工程停工，基本上已經表明禍首係邊個，當然要等最終調查。 而另一方面紅館監管職位又取消左，呢d種種問題揭示政府監管好大漏洞，所以工程公司有機可乘。呢個先係核心問題。
唔係話viutv無責任，viutv已經有請龍頭工程公司，亦請舞台經驗豐富Fran9監製, 就表面證據睇viutv無話特別壓縮成本。 正式工程驗收後果幾天，viutv有責任監管，但正常監管好難睇到鋼線老化問題，講來講去核心都係工程問題，不如叫工程公司出來交代下工程細節問題，亦需要追究政府工程監督責任。
Viutv 係適當時候要盡快出來交代，係責任同態度，係必須的。
6個讚
贊成viu應該要儘快比d實際交代。作為主辦方（更正：之前誤寫為大判），由開show前到今日，不論實際操作定公關門面，其實都處理得好差，當然仲有落手做工程嘅公司啦（藝能？）
除左追究安全問題
鏡粉都應該追究下D垃圾PR，只識打溫情牌等淡化（學埋d垃圾白事當紅事做文化），真係害死mirror
當然，做呢D門面功夫其實要使唔少錢。印象中，以前每逢有致命地盤意外。同為地產佬，四叔基本上第一時間唔等咩調查，就會比一筆應急錢遺屬+承諾對工友子女供書教學至18歲；而李氏幾乎每次都無表示。唔係話使錢就可以變大善人，但縮埋無表示無承擔就一定會打擊形象（而今次mirror形象一定被viu拖落谷底）
觀乎Viu近日ge應對態度，大家更唔可以靜靜地等調查結果
只要關注度減退，就會好似城大天台、南丫海難咁，不了了之
*唔好同我講咁樣「TVB最開心」 ，咁講的人呢幾年白過的嗎？？
4個讚
大判係藝能，唔係Viutv，Viutv係作為主辦單位要交代，藝能更加需要交代所有工程細節及安裝等等問題，以及同youtuber 所講與藝能娛樂千絲萬縷關係，眾所周知，倫伯同153 關係密切，而TVB又係viutv最大競爭者。
2個讚
多謝指正，原意都係想講viu身處呢個關係圖最頂端，已改正，不影響文意。謝謝
唉 其實viu到最後都一定要交代
但件事去到咁都唔係viu 果幾個話到事
因為會影響8號仔股價 啊李生果D都應該諗緊點處理
1個讚
該主題在最後一個回覆創建後90天后自動關閉。不再允許新的回覆。