阿仔上星期快測確診咗，而我都中咗招，唔舒服，喉嚨好痛，有少少燒，暈暈地
但太太話阿仔下星期開學，唔想佢因為緊密接觸而隔離返唔到學，所以唔畀我睇醫生，唔畀我同阿仔呈報
所以我冇得睇醫生，拎唔到 sick leave ，要繼續返工，同埋夜晚我都要幫手睇住同樣中招嘅阿仔，都冇得點訓
話說回頭，其實又唔係完全返唔到工嘅，話哂打咗三針，食住panadol都做到野嘅，虛弱啲啫。
不過覺得好冇尊嚴囉。唔開心想取下暖。
3個讚
你返工會傳染俾人架喎… 點可以返工架?
1個讚
問吓太太，將心比己，佢都唔會想阿仔有同學隱瞞自己病情繼續返學啦，病咗最重要係休息呀
3個讚
但你咁樣出街已經係播緊毒… 中左頭幾日係會播毒…
真係唔好咁自私, 所以點解而家香港仲係度無限輪迴,
就係有人中左唔報唔緊要但唔好走出街應該自我隔離,
其實上星期中左到下個星期計番都差不多十日, 而家
大部份人都係一星期左右就會好番…
4個讚
吓，咁都得？！ 明知自己中咗都照返工？！ 好心啦，做人唔好咁自私啦，中咗就自己隔離啦，你啲同事真係多得你唔少。 講真，中招無病徵，自己都唔知中照返咗工就話啫，明知而咁做，真心乞人憎囉
講真吖仔要隔離返唔到學有幾大件事
，根本少事一件，而你依家係明知自己中招唔上報不特止，仲要走出街播毒，陣間比人報串，分分鐘監都有得你坐
其實你老婆憑乜唔比你同埋個仔上報？係我一定會上報，起碼打少一支針
5個讚
自狗私
1個讚
共存了
呢D咁既老婆，真係唔死都冇用！
依家小朋友開學番少幾日都咁緊張，咁第日考試時咪死得？
樓上話齋，你地個仔病就照番，倒番轉如果佢知係同學咁做呢？我估佢會嬲到叫黑警去開槍呀！
自私到癲！
樓主你都好有問題啦！冇SL都要攞AL啦吓話？！
傳左俾老人家，害死人的話，真係做鬼都唔放過你呀！
16個讚
中左出街都唔好，仲要開會，都算緊密接觸，有冇機會攞一，2日sl呀？
好自私的兩公婆！
2個讚
咁大個人, 老婆話唔俾你就唔做架啦！佢叫你去死你唔去死
14個讚
好對唔住，多謝你地鬧醒我
我諗下點同佢講
4個讚
其實你中咗，阿仔係康復者，佢唔洗再接受隔離 ga
直接同老婆講話會上報，攞SL 啦，做人真係唔使做到咁怕老婆喎，呢啲野合情合理，講真阿仔開學都唔係好重要啫，通常開學嗰幾日都係派吓通告，講吓經咁，唔會咁快開始教書啩
1個讚
樓上都好多人鬧左樓主
我只係戥樓主公司同事慘
佢地真係唔知邊個中左
講得好~
如果人地屋企有老人家或BB
抵抗力弱既可大可小
先要做左上報，跟住先同佢講，講真如果
被圍封發現就一定捉你入糟糕灣，到時就
唔係好似而家咁可以係屋但隔離。
。。。。。比我大家累鬥累傳染埋俾你老婆。
未有武肺，有病唔舒服都要休息啦，傷風感冒都會傳染晒俾同事。
你老婆自私狗，你自己都無能，男人老狗無鬼用。
2個讚
笑，原來真係有人咁怕老婆架咩
同學同同事都多得你地唔少。小朋友番少一星期學唔會令佢由滿分變零分既，唔洗咁緊張喇。
2個讚
搞錯呀，之前我哋成家中咗連街都唔敢落怕傳染人，困獸鬥咗14日呀，你哋成家咁自私周圍走，仲返工唔理啲同事，你啲同事都有家人小朋友啦，傳染到人哋你安樂咩？你個老婆咁仆街都有，你又聽佢話喎，都係臭味相投
5個讚