一講去海洋公園,我之前都同一般人一樣,覺得海洋公園又舊又殘,完全冇想去嘅意欲……近日得到一張優惠飛,為咗唔浪費嘅心態,就帶個仔入去睇吓動物……一去就改觀了
第一,交通方便咗好多!以前去海洋公園嘅回憶,全部都係搭車搭好耐,轉車轉到頭暈嘅回憶(最嚇人係嗰架接駁巴士),原來而家開通左新嘅路線,我大西北坐西鐵,紅磡轉火車到金鐘,搭多一個站就到海洋公園!!!!!!! 神奇!!!超快囉!50分鐘車程就到!
第二,入到去好寬敞(其實因為冇咩人)。以前海洋公園嘅記憶就係排隊排餐死,而家冇咩人,行步路都唔會撞到人,只要唔係玩熱門嘅機動遊戲,基本上係唔需要排隊,正!
第三,好適合小朋友,擴闊佢哋嘅視野,好有教育意義。一個主題樂園,有超級多唔同種類嘅動物,大啲嘅小朋友仲可以近身接觸,我今日見到有一個讀緊小學嘅女仔同狐獴近身接觸,狐獴仔爬上佢大髀,羨慕死我!平時教個仔動物講到口水都乾,帶佢去一次海洋公園親身睇一次,好過自己播Discovery!
第四,同小朋友去好消磨時間,又可以締造共同回憶。自己入海洋公園,兩個鐘一定玩晒,但係同小朋友去,唔經唔覺就去咗六個鐘,仲要係未行完。小朋友返到屋企就瞓覺,very good!
第五,親子設施、育嬰配套好足夠。小朋友換片,求其搵一個廁所已經有育嬰配套,是但去一間餐廳,會主動俾埋BB餐具同BB櫈,唔駛煩!
第六,原來入到海洋公園會勾起以往好多成長片段,幼稚園、小學、中學、大學………每一個設施都彷彿好似見到以前嘅自己同朋友既身影,(有好多朋友已經不再係朋友),有時行行吓都會陷入左回憶嘅隧道,好懷念既感覺!
我以前係好支持海洋公園執笠,但我今次入到去,見到每一位員工都好享受佢哋嘅工作,每一隻動物都生活得好開心,連我一家三口去完都非常開心
我決定會去多幾次,唔好咁快執!
9個讚
其實我唔明點解要支持海洋公園執笠,話晒都係一個咁有代表性嘅地方,有好多香港人嘅共同回憶。
3個讚
其實海洋公園都好玩架
我地住得近,買左年票得閒無事入去行個圏都幾過癮
不過係空曠地方多,曬到暈,同埋食肆選擇相對少
2個讚
呢個真。無仔女既人係唔明海洋公園既存在意義,奈何好多人都無仔女就大大聲聲叫佢執笠,執左小朋友去邊度睇動物同埋認識保育concept? 長龍呀?
唔係話要去海洋公園先識保育,而係比小朋友親眼睇下摸下feel下感受下,比起書本同youtube 上既理解係好唔同。
對於大人來講海洋公園可能好舊好老土,但小朋友係百去不嫌。而且佢地都同大學做好多保育研究,又攪stem, 呢d野都係要留意開先知。
我非常希望海洋公園繼續留低架。
3個讚
我地住好遠都買年票,每次玩小小玩小小,雖然累但好educational
以前多遊客真客嚇怕,排隊被佢哋貼背脊(大家女士都係咁話),下下都想占隊,真係要惡啲先唔被佢哋打到占,想起都難頂,無咗自遊人就真係返到以前舒服哂(雖然間唔中都聽到煲東瓜,佢哋有禮我都會有禮)
點解咁討厭,係因為太靠內地客,以前去成日有普通話打尖插隊,你話佢仲要鬧返你轉頭,人又多,自然想去既人越來越少,唔係盲反,你要明真係以前種既因
當然我唔否認而家有鐵路,加埋呢2年無左羅湖落馬洲,起碼隔左大部份打尖當食生菜份子,咁就偶爾去下係值得既
6個讚
係,好多大陸人,污煙漳氣咁
一啲都唔快樂,唔享受
我都試過比大陸人打尖
轉個頭幫bb整件3定唔知乜野,就多左幾個人係前面,我正想開口既時候有正義海洋公園職員大聲「喝」佢哋打尖
呢啲賤人唔「喝」唔得,面皮厚過牆!
死狗咁又排返隊尾
而家無論行商場,睇展覽,去海洋公園迪士尼都舒服咗,無咁迫人,無人超大聲講嘢,但係就要成日戴住個口罩囉…
我見佢有三種,想問下你哋係訂邊隻?
金卡block out 新年同聖誕長假,有隻最貴就全年適用冇blockout
好似等有折時訂全年適用票
佢前排好似停左annual pass, 變左出3個月既票。呢家又出返annual pass?
唔係想唔想佢摺嘅問題,佢 operating cost 太大,單靠本地人消費頂唔到好耐。
2個讚
海洋公園應該繼續營運落去,
佢係香港幾十年國際地標。
係一個著名旅遊景點。
亦都係香港人嘅童年回憶。
![:thinking: :thinking:](https://www.babydiscuss.com/images/emoji/twitter/thinking.png?v=12)
如果佢執笠,地皮就會成地產霸權嘅犧牲品。
壽臣山一向都係貴重地皮。
但其實我都仲係覺得香港好多人,去邊都人山人海,不過好彩嘅係依家啲自由神唔見晒, 出街、搭地鐵都唔使比喼碌腳
,對腳安全咗好多
我都係帶過小朋友去,先發現海洋公園真係好適合一家大細,以前我係鍾意迪士尼多啲嘅。