2位姐姐只係印尼做過2年，未來嚟過香港，其他嘢差唔多。
A：25歲，單身，樣子順眼，junior high school
B : 26歲，離婚，有1個2歲女，樣貌娟好senior high school
B 離婚個個🫣
現實啲講 - 希望佢會因為係單親家庭，會認真啲做野，珍惜份工，唔係玩玩下
（不過當然好難講的🫠）
3個讚
有小朋友經驗好啲，同埋應該會定啲掛
真係得呢兩個揀會揀b。但兩個其實都有d高風險，A驚佢喺香港亂攪男女關係，萬一大肚就好煩。B有個咁細嘅女，一陣home sick話要走又係慘。
有冇第3個選擇 
1個讚
都有，一個37歲，冇兒女，有經驗做左14年，之前係新加坡打工，但驚冇精力陪我啲小朋友玩，因為最主要都係照顧小朋友
我會揀哩個
3個讚
有冇三個都傾吓計
唔可以就咁憑個人資料揀我覺得
我都會揀呢個，37啫，都唔係咁大年紀，而且經驗好豐富。
2個讚
都唔知傾咩
考下佢哋
危機處理，咩都好
傾咩都好，你問吓嘢會 feel 到個 vibe 啱唔啱，同埋有啲人你真係一見/一聽就知唔對路。
我會揀37歲，因為唔會做做下要返印尼結婚生仔。
如果唔鍾意小朋友，就算佢後生有精力都唔會同小朋友玩。
1個讚
我會揀呢個，除左經驗夠，新加坡對姐姐比較harsh，嚟到易搞少少。
37歲，未至於湊唔掂小朋友。好多媽媽都係33-35生，37歲正值小朋友最活躍同需要attention 的時候都搞得掂
1個讚
Exactly
1個讚
B 明顯有經濟負擔
如果冇其他選擇，就揀有仔女，佢哋心地唔太差嘅話，一般都好肯為左交學費而努力搵錢，至少佢有目標先丫。
我會揀呢個，37歲都仲好有體力同精神嘅。你小朋友幾大？如果已經番幼稚園，又會上下興趣班，咁佢都唔洗經常陪玩
我細女4歲，成日要人陪佢玩
我會揀37歲，之後到B
A同B可以訂為完全無工作經驗，但B起碼有家庭負擔，希望做得完一個合約。
而37歲嗰個有工作經驗，易啲跟到僱主要求，唔會雞同鴨講，乜都yes，之後做左另一樣野出嚟，但就會有自己意見，即係職場上的old seafood一樣，相處到就容易做得長。
請工人都係一場賭博，我依家呢個原來都唔係我第一選擇，第一選擇工人唔take我offer先揀佢，現家快完第二個合約了。
如果仲有得揀，我通常揀有二至三年海外經驗，廿尾至三十頭，有家庭負擔。
再其次就唔揀屬豬，我之前請過一個印尼工人屬豬，請佢嗰一年半，如果有一日唔吐血，我已經執返身彩。（當然呢個point好個人，而且唔科學）