網上流傳帖文，有網民大爆後生女「釣金龜新方法」，稱有年輕女生希望嫁入豪門，約6至7人一同合租港島南區豪宅貝沙灣「最細嘅單位」，然後「用盡」住戶福利，一有時間便到會所的健身室做運動，希望博得認識真正居於該屋苑有錢人的機會。
爆料的網民稱，女生們的做法成本不高，笑指健身的衣著「貴極有限」，但「回報率勁高」，更稱使用該方法的女生全部也能實現嫁入豪門的目標，「仲可以名正言順咁話自己住貝沙灣，最後全部都係成功嫁有錢人㗎」。
帖文引來網民熱烈討論，笑指女生的招數實用又平價，「喂大佬，咁有創意，真係抵人發達」、「貝沙灣裝3張碌架床都應該幾闊落嘅，6個人住每人$8000，好過住劏房」、「認真覺得佢哋好叻好上進，點解我諗唔到」。亦有人笑指同樣的招數也適用於男生，「最後6、7個男仔用同一方法識阿姨」、「男士都可以用呢個方法」。
不過也有網民質疑該方法有漏洞，認為就算成功與有錢人交往，言行舉止也有機會泄密，「就算成功釣到，如果性格唔好，冇內涵講嘢空洞，唔係都keep唔到好耐咩？做女友同老婆唔同要求㗎喎」、「呃得一時呃唔到一世」、「見家長嗰陣唔知條女咩料㗎咩？夾租嗰幾個姊妹都係租果間貝沙灣出嫁當娘家？」。
以前都有人話去洲際食飯捕金龜
但貝沙灣太多租戶，靠唔住
我真係識一個舊同事, 佢十年前送個女去英國讀大學搭頭等… 依家佢個女係英國定居, 仲係唔錯嘅生活, 我 舊同事講佢女婿係搭頭等搵返嚟…
我諗起Sammi嗰套嫁個有錢人
Sammi扮富婆遇到扮有錢人嘅小齊
貝沙灣會所間 gym 好一般，有質素嘅仔唔會留喺度操嘢，反而溝有錢女人機會仲大。
要玩去我會去紅酒班。
「仲可以名正言順咁話自己住貝沙灣，最後全部都係成功嫁有錢人㗎」
似乎又幾work 
不過太有機心感覺好怪
貝沙灣好多大陸人住喎！
地產代理SELL 客招數？
呢啲嘢係中國就好興，例如天王嫂班，或者送女去識中東油王等，有啲父母係個女出世個刻已經舖呢條路。香港就係去蘭桂坊識鬼佬。
當社會無咩出路，就有人諗下另類方法
呢啲係咪學大陸人嘅？
有冇人睇過，
電影⋯⋯嫁個有錢人⋯⋯鄭秀文、任賢齊。
咪又係學大劣天王嫂訓練班
我4字頭一定有睇過
有錢大陸人都可以掛
以前越南妹，東歐妹都係咁，嫁出去改變人生。
而家仍然係咁
完全係大陸化，超有機心
有計劃地入豪門
目標明確其實幾好啊
好過感情騙案，要咗錢就走嘅。
同中國女人落嚟搵阿伯的，呃咗佢公屋比，大家覺得有無分別？