該名網民早在網上討論區發文，指自己現時40多歲，「無妻無兒女，無車無樓無學位」，但有一間繳交1.5倍租的公屋以及逾百萬元積蓄。他形容，目前任職的公司正「吊緊鹽水」，計劃在公司倒閉後實行「半退休生活」，在住所附近尋找時薪50元的屋邨保安，以節省交通時間，而且「間中做下有少少收入， 夠我正常食住用，唔使用到老本」，並指亦可靠積蓄投資股票以圖利或定期收息。
他提到，有一名50多歲的朋友任職兼職保安，「月入$6,000，積蓄under 10K」，又指對方亦為公屋戶。他指，「我開頭都以為佢嘅生活會好拉鋸（編按：拮據），但原來當你唔係一個好物慾嘅人，佢生活都好好喎，得閒行下山，仲可以買下馬仔打下牌」。他認為，若人生有70歲， 首20年是讀書，隨後25年是工作， 最後的25年則應忠於自己。他續指，不少人為了子女而辛苦大半生，並要還兒女債、 做樓奴、 工作奴、 物質奴等，但他則認為即使可以賺更多錢，在死後亦無法帶走，「點解我仲要做到65歲退休?」他指，唯一願望是「唔好有大病痛，唔好太長命，咁我之後嘅人生就會好舒服」。
相關帖文隨即引起熱議，有網民認同他的想法，並指「錢夠使就好，當一家人為咗小小錢或家產而爭執，係好ugly」、「做人知足就ok，毋須與人比較，亦都唔好諗住依靠人，計好條數安排好就可以過自己想過嘅生活」、「樓主用自己方式達到自己財務自由，真心羨慕樓主」等。另有人則認為，「物價貴咗，都會臨老過唔到世」、「好多人只用現有生活使費去計好易出事，會通脹」等。
4個讚
的確係，
有啲人一定係住公屋既人先買到樓。
香港應該有好多人，
有私樓收租，
怕比房屋署查到而唔入戶籍。
但一直住係公屋。
有車，屋企裝修到好靚都有。
實在有公屋真係人生勝利組。
除非本身無乜欲望，否則做乜都計過度過連普通社交都受影響只會越黎越痛苦
又唔係無可能，不過唔會係香港，全部揸港幣，一變廢紙就 hi hi.
單身一個，田園生活，與天地為鄰，以蟲鳥為友，預計活多廿幾年，有絕症唔醫自然死去，佢 OK 咪得囉!
3個讚
我有個朋友就係咁 ，呢啲就係躺平生活。
佢自己覺得好開心架。佢唔洗樣樣計過度過，好簡單，就係全部唔買，網上大把免費娛樂，唔洗諗。對社恐嚟講，唔洗見人係最開心嘅。
佢錢唔多，但根本無地方用，每個月成份糧俾曬父母算
2個讚
其實係開心架，佢做到無慾無求，咁嘅生活冇乜問題，好多人一生都做唔到
4個讚
無仔女已少好多負擔。人生苦短，既然咁樣生活係開心自在，有何不可？
其實香港有一百萬都唔係幾多錢啫，佢唔過限額又吹佢唔漲
3個讚
咁樣幾好 ，只要供返份危疾，人壽就ok，起碼有事時候，多份保險幫補下。
無仔女，無需買樓 ，在生前乜都洗曬，夠65歲可以申請長者津貼，生活好過唔少供樓供到六十歲的人。
3個讚
這類物乜都冇嘅人，
只得百零萬積蓄，
真心講，真係少。
我意思係做咗咁多年都只係少少積蓄，仲唔會啲咩貴重資產，
講真，住公屋都係藍領中低收入，你覺得佢地會搵到幾多？
7個讚
我覺得大叔有一球cash 已好叻，知道自己能力去到邊，唔大洗，
最緊要唔好娶個大陸女人
10個讚