爆料者講：
藝能自己都有圖片指引，
（外國）指引係要4條，最少都要三條，先可以承受到壓力。
藝能只係吊兩條Wire，因為係唔夠「鍋」，
要同出面公司租，即係要用錢，一講到錢，
又係基於一個慳得就慳原則，
好自然就比少一條wire，
（爆料者真係好幫到手
）
4個讚
會唔會倫伯自己或友好演唱會就一定做好去，用夠4條，鏡仔果班唔使做甘好，求其兩條就算？
我唔識猜測咁多嘢，
只係習慣搵資料，
上面已經有影片，你自己去睇，
我只是講述當中內容。
其實只有業內人士先知道
即係為咗慳錢偷工減料 ？
希望能夠查到水落石出，還Mo一個公道
1個讚
這個一定啦！
所以我都係睇吓有冇多啲人出嚟爆料，
完全同意！
工程用料水平、檢測嚴謹程度、監制同主辦方風險評估，全部都係引致意外的因素
3個讚
MIRROR演唱會丨總綵排意外相片曝光 幕後揭3次意外細節 指控監製Fran9不負責任 ：係咪真係唔使孭飛？
https://www.instagram.com/p/Cgq1bmpBIY4/?igshid=YmMyMTA2M2Y%3D
1個讚
咁個surveyor 失識喎，就算無法例規管，以佢專業知識都判斷到危險啩
1個讚
到底係低估左舞台操作難度定時間預得太忟？
似乎多方面都出左問題，以viu嘅經驗，handle唔到一個咁大咁複雜嘅show，第一次搞紅館show實在唔應該搞太多花巧野，累積多左舞台經驗先，正如郭富城都唔係一來就玩旋轉舞台。如果再加上大台陰謀論，要玩死viu簡直易如反掌。
1個讚
我覺得Viu應該係想食住個勢，趁佢地仲紅，如日中天，搵多幾個錢先。
所以野趕得就趕，綵排唔夠？頂硬上啦，成個香港咁多對眼睇住架，唔可以縮
1個讚
多啲人報料，拼湊事實真相，迫要面對的人承擔返責任。
累到個後生仔咁樣，瞓喺到嗰個已經唔係你，連責任都想逃避
1個讚
佢自己簽咗名，責任及法律上，一定走唔甩，
除非佢著草，又或者 有人偽造文件，否則都洗脫唔到。
1個讚
真。成件事對Mirror 實在太唔公平。咁辛苦打入紅館，viu冇比個安全嘅舞台比佢地安心發揮。
1個讚
呢樣一定, 咁快就上紅館, 仲玩咁多機關玩到咁大…
加上之前賣飛個時李生個句而家係收成期, 你就諗到
佢為賺錢係會點…
而家睇番轉頭成件事都係太多機關時間不足, 明知有問題
仲要夾硬上做, 如果有足夠時間試好晒機關, 可能個 mon
一樣會跌落黎, 但就未必會有人出意外, 正路應該係無人
係台度不斷運行所有會郁既機關睇下順唔順暢… 就好似
啲家電咁出廠前都會運行一段時間檢查有無問題先出廠.
1個讚
之前已經試左幾場mon無跌，問題係主要個mon係得兩條wire，就算試足100場， 稍微移動錯誤，mon承托唔夠，一樣會跌落來。
1個讚
損耗。過咗某個使用時間就會頂唔順而損壞
安全帽、安全帶，全部都有使用時間…
唔係話一直用緊就等於安全…
4個讚
我講緊未開 show 之前彩排既時間, 佢地總彩排個時係開 show
前一晚半夜先開始做, 咁即係砌好個場連試既時間都未夠… 正常
應該係砌好場個之後都會有 3-4 日時間, 而家係無咁既時間去運
行. 吊 mon 升降就有做過, 好似咁耐以黎都無試過做過升降再
加轉, 要加埋扭動既力量就會好唔同.
咁當然用小左 wire 就一定有問題, 又或者係上 wire 既夾唔夠力
鬆左都有問題…
1個讚
無錯我就係想講出呢點, 彩排唔夠時間, 好多有問題既嘢係睇唔到
出黎.
2個讚
其實網絡上流傳咁多資訊，當中有幾多係真？ 所謂嘅行內人其實係咩人？早前話某某彩排時跌落台，最終當時人出嚟話無發生過，為咩呢？ 用意係邊？ 問題不停圍繞＂邊個要負責＂，如果真係要計，相信唔少，蝴效應影，每一部份出少少錯，最終就變成大錯。即係每一個地方都需要有人負責，由工程公司講到去viuTV，另外重可以申延到其他地方，有人要求＂立即交代＂，指邊方面？ 你想佢即時交代咩？ 掉轉係你，係未有齊所有資料時，你會講咩去交代？ 調查需要時間係事實，你地想要知道事實嘅真相定係唔理三七二十一，搵人出嚟負責就了事？ 時間快慢對傷者康復有影響？
真正幫到件事嘅係唔好將未證實嘅資訊傳開去，傳得越多，只會拖延調查時間。
7個讚