隔離bk好多會員係到追究viutv到底。今次件事太複雜，小心為上。
娛樂圈真好黑暗，王傑比人毒啞，李連傑經理人被搶殺…數之不盡甘多。
係宜家mirror D成員比較純，以前好黑暗，TVB入面都係。
由第33分鐘開始聽阿「陳生」爆料
「陳生」係內行人，負責吊Mirror 舊年個show 喺天上邊啲嘢，知哂啲分工
真相已經呼之欲出
講到尾，就係為賺錢，判上判，人工低，所以專業嘅走哂，留返唔專業嘅做。簽紙嘅surveyor 亦冇真係check 過安全，法例亦冇規定要點吊先為之安全，由得班人亂嚟。其實一直都係亂嚟，係到今時今日先出事咁解。
1個讚
Mirror 嘅價值仲喺度，唔會咁易死（演藝生崖）
反而如果繼續用依家嘅方式同公司合作，分分鐘死咗都唔知咩事（生命結束）
麻煩睇清楚【書生】第二點啦…
如果我係mirror 12子，我會對公司今次做演唱會超級失望，自己辛辛苦苦為夢想去努力，對表演的執著，終於可以上到紅館。點知綵排時錯漏百出，仲要一次又一次發生意外，仲要史上最嚴重，有啲仲要同受傷者好friend，會好自責。
直頭影響成team人的士氣，遲啲又話collar都開演唱會，如果未搞掂就搞返普通綜藝節目，唔好揾人命嚟教飛。
4個讚
應該係九展開姐，不過yoyo 九展show 一樣有吊船
電視由高空墮下，
最大嘅責任應該係工程公司，
你了解咗佢嘅背景，
就會明白點解佢哋射個波去viu
2個讚
覺得makerville 呢個朵已做臭，完全監控唔到品質，亦保障唔到藝人安全，出咁大意外正路要摺，或者換ceo穩定觀眾信心。
可幸係viu 同makerville 分家，雖然係姐妹檔但makerville 出事都燒唔到viu, viu 應該可以獨善其身繼續做tv。
至於under makerville 既mirror去向，佢地好無辜，衰係衰公司，所以佢地呢家bargaining power 應該大返，可以同makerville講數，要留係makerville 就拒絕再被壓榨，而且應該要有完善制度監察藝人身心平衡。
如果makerville 唔想摺/換人，唯一可以做就係證明自己係受害者，冧電視佢地都比人騙，不知情。但奈何台又唔穩，電視又唔實，機關又失靈，無時間rehersal, 咁多瓣總有一瓣makerville 要咩飛，唔可以話自己咩都唔知情，咁係失職。
所以點講，makerville 都兇多吉少，官司亦有排打。
戴返好個頭盔先，以上純粹個人意見。
2個讚
爆料者話外國指引要三條wire，幅wire圖係藝能自己出，所以藝能係知道兩條wire係唔正確，只不過香港無監管，但藝能明顯疏忽。
聽完除左嘩同單字粗口之外，講唔出任何野
估唔到我哋以為大制作，原來咁兒戲。
Mkv最大責任係綵排時已明知個台機關有問題，而且有人受傷，好明顯係有潛在危險，但仍決定繼續如期舉行演唱會，真係無可能話唔知情
以前都試過有演唱會綵排時發現機關有問題，主辦單位係會停用機關，甚至會延期舉行
7個讚
我覺得下面個comment 可以perfectly 回應上面
我諗呢，如果呢度停個度停，個台就無野睇，因為成個台既大多數機關都唔合格
2個讚
事發前其實都覺得12個鏡仔好辛苦，成日夜接日，日接夜咁工作，瞓都只係喺車到瞓，淩晨先返屋企，雖然藝人搵錢時間有限，但身體出事都係做唔長。
錢要賺，但健康員工先可以同公司走更遠的路！希望viutv會睇到！
1個讚
但出事問題唔係機關，viutv有檢討，危險既都已經停左，主要問題係上面mon得兩條wire，但藝能公司自己有圖指引係要三條wire的。
Yes, it was an accident waiting to happen
1個讚
真係，理論同實踐係唔同嘅
吊多條太貴喇，是但啦兩條ok㗎喇
負責工程有關人士公司，當然要負好大責任
Mkv有檢討係事實，但係去到Day3花姐坐返panel先停用某啲機關，day1-day3冇出大鑊嘢其實只係好彩，睇返day1片段機關全部都好危危乎
3個讚
我覺得今次意外係一環扣一環，全部party都心全僥倖，以為可以過骨，最終導致悲劇發生
6個讚
每樣危險野睇翻邊D人設計及製作，係咪有疏忽既情況，viutv監管上係不力，做事去得太盡。
1個讚
但電視完全唔關事，事實個電視用左幾日都無問題，之前鏡中鏡仲用緊，所以唔成立