我依家21weeks 琴日去完照子宮頸
醫生話得24mm正常應該會過30
短過25mm都會係過短
但因為我係第一次check 其實我唔知係一路都係咁短，定係會短左，因為我都比較細粒所以天生會短d
醫生依家開左藥我塞，但佢講到好輕鬆咁，就咁話塞到36週就得，問佢使唔使訓床佢又話唔使
我上網睇好多post係已經去到1.x到0.x
其實我24係咪都唔算嚴重？
我同你差唔多，27週見紅入院check到宮頸短，得2.5，結果被強制留院，留左2個月。直到35週出院(果時已經跌到0)，36週3穿水返去生仔。
公院醫生冇藥俾我塞，亦冇建議長期訓床安胎。但我自己覺得唔好企太耐、行太耐，一定要休息，絕對唔可以操勞。
如果你有時間可以執定走佬袋先。宮頸短生仔真係好快，陣痛痛左9個字，半個鐘就生左…
2個讚
我12週度果陣醫生話marginal ，唔記得幾多cm啦，就入左中大研究group，keep住每3個月度一下。睇私家就話唔算短，叫我唔洗理。
去到32周再度就話得返1.xcm，即日入院打強肺針。但係打完針就踢返出院，上左病房都冇再度過。醫院淨係開左個星期病假，話休息多啲，但係又唔洗bed rest 。可能因為我冇見紅果啲。一直到39週先穿水順產。
唔知係咪因為短所以生得好快。第一胎用左3個鐘生完。第二胎開始痛到生用左1個鐘左右。如果有規律痛好即刻去醫院，我第一胎個痛只係M痛咁，以為唔係陣痛，結果等到屋企一穿水就痛到行唔到。第二胎唔即刻去醫院嘅，快到隨時係途中生咁。
因為好快，完全用唔到任何止痛，但係唔洗驚，因為快，已經比好多人辛苦少左。
1個讚
要小心處理，真係可以好嚴重，亦有好多人因為咁樣冇咗
你有冇睇私家？
建議每兩星期照一次，睇吓有冇短到
我當時22週係2.5，有塞藥同埋醫生叫兩星期返去睇
24週一照已經1.8
即刻入院做子宮頸環扎手術
同埋真係要多臥床，唔好企，唔好俾個下墜壓力令到再短
好彩係捱到BB足月出世。
另外想補充呢啲錢真係唔慳得，當時我發現自己宮頸短上網搵資料，真係發現隔離forum好多準媽媽都係因為睇政府係一路拖，最後面對嗰種傷痛箇中後悔睇到都心酸
1個讚
咁你住院就剩係訓係到？ 有冇幫你上扣呀？
佢之後有冇幫你check住個長度？
咁你果時係咪都照正常生活冇訓床？
其實我本身一直諗住開刀，冇諗過呢個情況順產會易左
咁你第二胎果時係咪都會有宮頸短問題呀？
我依家第一胎，唔想剩係得一個，但又好擔心如果第二胎又係短又要訓到生
我依家係外國，本身公立連照宮頸都冇，我係自己出去搵私家照先知，醫生剩係開左藥加都冇叫我要訓床，我收到私家份report 打返去公立同佢講
佢地都未覆我之後會點處理
如果佢地唔理可能之後再搵私家照下依家就訓住床加塞藥先
醫生護士唔俾長期訓床，加上有糖尿病，食完飯要散步半個鐘。
我都有問過要唔要加托，醫生話冇用。
果時隔1、2個禮拜就check宮頸長度。但由於我實在短得太快，好快變0，只可以留喺醫院安胎。
果時最擔心嘅係當宮頸口鬆開，bb就會跌出黎，所以住喺醫院最安全。
1個讚
我都冇特別臥床呀，都係照出街返工咁。第二胎16週時醫生照過話唔係特別短就冇再跟進。不過佢hea 係肚照，冇用陰照。
第二胎嘅事之後先諗啦
可能會睇你第一胎嘅情況先知第二胎可以點跟。雖然冇話係短，但係我37週宮頸已經軟，唔知關唔關事。之後38週就生左。
因為我第一胎係公院有宮頸短record，第二胎時次次入院姑娘都會問返有冇再檢查/特別塞藥或者，但係外國會唔會咁做就唔知啦。
1個讚