請問有冇人知道基督教家庭服務中心趣樂幼兒中心 (育嬰院)評價如何呀？我好糾結應該俾婆婆照顧，定用育嬰院服務，我小朋友5個月大。請教放小朋友係育嬰院的經驗分享，謝謝大家
我第一個小朋友係育嬰院+外公外婆咁樣配合的。雖然唔係你講個間育嬰院，但我相信全部育嬰園的老師主任都受過專業訓練，一定比自己更懂得如何照顧嬰幼兒。
每間育嬰院都應該會定期有發展報告比返父母睇，多數會安排講座或工作坊參加。（呢個問返你個間會比較穩陣）。每日食物都係新鮮做的（我假日係比飯包小朋友食咋），再大少少會同同學仔互動多點（我小朋友已有最friend 的朋友仔）。我真心覺得好好。
當然較易病都係預料之中，畢竟見得多人。我小朋友呢兩年來大約小病了5-6次左右。都係傷風或咳咁。我一向對病的態度比較輕鬆，覺得係必經過程。
要搵外公外婆照顧的原因係，我都唔太捨得比小朋友每日好似返工咁長時間咁冇得同家人多相處，又唔想外公外婆日日全職湊仔，所以每日都會由公公婆婆提早接走小朋友，同佢相處下玩下咁。
咁做，每一方都冇咁辛苦。外公外婆每日都同到孫仔玩兩個鐘，育嬰院內人手都會在小朋友被接走後鬆動少少，自己又安心工作，小朋友又會有獨佔大人的時間。
但就算育嬰院都要有back up plan。因為真係有機會小朋友唔舒服要搵家長接走，到時一係自己可以早走，否則都係要有人係你無法立時回應時幫到你。
6個讚
育嬰園俾到小朋友有自己既社交
呢樣野的確唔係自己屋企人湊時可以俾到佢
(利申: 仍然輪候育嬰園中)
我尋日去咗參觀&面談，去完其實個心有啲驚，因為我見到細組、中組都係成個班房喺BB床，一人一張床，班主任老師得兩個，人手比例係一比七，主任話有助教幫手，但我參觀係茶點時間，都係得兩個班主任係班房。見到啲小朋友好悶喺自己張床度，活動空間又好細 (就係張床仔)。但我都會照交留位費，因為唔交就冇咗個位。我本身預算放育嬰院嘅好處係有老師睇住BB嘅發展，但其實張床到細我都唔知有咩發展可言，學爬都冇地方啦。又話而家疫情關係，唔會比BB一齊，盡量分開佢哋，即係得張床嘅活動空間…
係，我都係咁諗，但知乎實際上係佢哋都被困床仔
不過我見到大組就係好似幼稚園咁，一張枱仔幾個小朋友坐埋一齊。係細組中組慘啲，係張床到瞓得著就瞓，瞓唔著就喊，老師都唔得閒理，因為兩個老師都各自餵緊一個小朋友食茶點。
1個讚
本來我都準備俾bb去育嬰園，但最後都放棄咗，俾屋企人繼續湊
我bb嚟緊9月都會入嬰院，其實保姆湊得幾好幾有心機，可惜佢先生食煙
而家9月入學，但都會照用保姆，等bb適應下，預計11月就唔用保姆姨姨了
其實都幾難做決定
二手煙對身體唔好，育嬰院似乎安全啲
我仔會係細組
其實我仔喺屋企都係瞓床，因為婆婆唔夠力抱返起佢所以唔會喺地下玩，但起碼婆婆會同佢講下嘢玩下
要瞓都有婆婆氹下
所以最後決定唔去
我仔個間細組時都係係自己床上的時間為多呀，但每日都會有相應月齡的訓練比佢（因為園內會每半年比一次相我哋，細組時的相都有比佢tummy time ，玩鏡之類的訓練的相我睇）
老實說頭一年小朋友發展上比較簡單，都係轉身，坐，個類，實際上的確唔需要亦做唔到同同齡BB互動好多的情況。
我記得到我仔識坐，佢就開始多點坐係椅子上同同組同學一齊做活動的相。但所謂一齊做活動都係各有各玩。真正開始會多活動係大組，每日都有大小肌時間。其實2歲內小朋友需要的交際唔多，到大歲左右都係parallel play（即在同一場地內各玩各）。我仔會提同學仔名，係佢大約一歲9/10個月左右，但都係近呢一個月佢先開始感覺似鐘意同同齡小朋友玩。
（另一方面你都可考慮下，佢哋多時間係床，即係交叉感染機會都會比較少，對頭一年免疫系統發展中的嬰兒來講都唔係唔好事）
我哋個邊人手係一比六（如冇記錯），佢哋話佢哋其實都係會互相幫手。但睇返我仔同咁多老師好friend都熟，我相信佢哋真係會互補。頭幾個月的孩子都係食同瞓多，茶點時間，老師可能係去了大組幫手餵未係好識用匙的小朋友。
1個讚
其實要認真考究，所謂「社交」都真係大人的迷思來。因為2歲前小朋友多數未有呢個概念，佢哋都係各有各玩多，係parallel play 。所以如果社交/團體元素係你排的主因，我覺得最後遲點入學（即可能排到小朋友已經成歲幾先有位），其實都match到你想達到的目標。
我仔真係近呢兩個月先講多點同同學仔相處的嘢。
我為小朋友排嬰園，真係唔想請工人，雙職，又唔想自己父母花大量時間同精力照顧佢，又覺得園內有專業人士一定好過自己湊，幾個因素夾埋。
1個讚
你係咪 黎緊會去讀呀 ?
都係入趣樂嗎?
唔係呀
請問返邊間啊？
港島區，未返呀
雖然俾晒學費，但而家諗住唔返喇
睇到某部門嘅文件，話3歲以下都要打兩針先全日，問嬰院又話未知要唔要，太多不確定，而家打算俾姨姨繼續湊
因為嬰院同全日N班係社署負責，所以要等社署出指引。老實說我自己都唔太抱希望，覺得9月就要打（我仔今年入N）
1個讚
係咪保護兒童個間呀？又變左要打兩針，之前聽人講返緊育嬰院老師打去問家長有車送BB 去打針，問佢哋去唔去
係呀….要等社署，所以好大未知數
咁驚