15 16左好耐, 聽人講好似無穀糧好o的, 但寵物店個店員又話其實營養無咁全面
我無認真研究過，
貓貓嘅主糧係街市買魚蒸比佢食，
副糧先係（貓乾糧），
種啲小麥草，每日餵幾條。
因為貓狗消化唔到榖物，所以無榖物糧係無咁易腸胃敏感。營養？本身都消化唔到既野，根本都吸收唔到la
2個讚
貓狗身體構造本身係食純肉，食有穀係想佢有飽肚感而不會致肥/積存多餘能量，如果本身有足夠運動量又無食物敏感嘅其實食無穀會比較好
2個讚
最好問返獸醫啦，我自己就一直餵緊穀物糧俾隻狗，因為佢哋係雜食性架嘛，咁即係咩都要食啦
fyi~向獸醫朋友fc左係真~
Redirecting...
嘩! 即係食完無穀物糧會搞到狗狗有心臟病?! 咁不如大家講下經驗, 邊隻糧食到好大年紀都好健康?
rc，唔係咩天然無穀物，不過vet推薦，2隻狗食到大，1隻12，1隻16，早2個月body check左好健康
呢編寫得幾好
最終極係食生肉最好，可惜好貴處理又麻煩
1個讚
我初初養而家隻狗果時，我想餵生肉，但時間、地方、金錢問題做唔到，所以都好執著搵無穀物狗糧諗住係好啲…但試咗好幾款，隻狗屙出嚟啲便便都唔靚，又軟又臭….最後聽狗友介紹轉食而家果隻，雖然唔係無穀物，但係啲便便又幾靚，我就無再執著要無穀
我嗰d貓狗一接手都係食開味精糧，多數RC、其次就Iams、proplan嗰類，我一接手就會開始轉天然糧，（十幾年前未有太多冇殼物牌子），天然糧已比味精糧健康得多，冇殼物又再好d！
暫時最大年紀畢業隻狗17歲，最大年紀畢業嘅貓16歲，每日天然糧（後期首選冇殼物）為主，一餐天然主食罐，間中蒸雞柳，閒時零食係風乾鴨肉粒/三文魚粒！
主要飲食係冇味精
我貓狗都有餵過raw，真係要自己量營養嗰種生肉，對我全屋貓狗效果勁明顯見到，係尋晚重食緊糧，第二朝開始轉晒全生肉，腸胃完全受，皮膚毛都好快見到靚左。
之後因為返工忙，就試Feline Instincts嗰款 Premix 粉，受到嗰幾隻當然冇事，唔受嗰2隻直頭痾軟再痾水，已經係買無激素雞柳嚟撈，所以我對premix粉溝生肉效果絕對有保留，都唔會推介俾朋友。
係㗎，佢腸胃受到、又冇味精時，我就唔再太執著必須冇殼物。
同埋有時貓腸胃係更煩，可以食A糧ok，因為轉過B糧痾，到再食番A糧都一樣痾！可以keep住軟便幾年都會⋯直到有藥/其他飲食方法/supplement等等不肯定原因下，又可能腸胃調番正常，勁煩！
我都有問過獸E依個問題! 佢都係話狗狗雜食性，穀物可以為佢哋提供大量既容易消化嘅營養素同能量，所以我都係揀穀物糧嘅royal canin
RC+1 2狗3貓都係BB食到而家 3貓而家over17歲 2狗13-16歲 感恩全部d好健康
其實RC成份表真係冇寫有味精喎, 我之前都有問過獸醫，仲俾佢笑我…佢話其實貓狗味蕾無人咁多，主要係靠味覺吸引，所以話要味精先吸引到佢哋食係傳來傳去傳咗好多年嘅謠言嚟，根本都無需要
至於食唔食生肉就真係好睇體質，我隻狗狗之前都有試過，但腸胃受唔到，都係食返乾糧，就一路都無咩問題。而家幾隻都老人家喇，所以食成點都要睇動物本身，同埋多啲問獸醫意見啦
你果隻係貓定狗
唔一樣WO~
狗係雜食
貓係肉食
本來我一路都以為咩天然糧/無穀物糧係好好多, 點知聽過我表妹而家個獸E男朋友講,FDA出過 report 話好多隻無穀糧同狗狗心臟病有關,我就唔敢再俾喇。
同埋佢話其實穀物可以俾到貓狗需要嘅營養同能量佢哋,咁樣先夠全面。佢3隻貓都係食皇家, 食到而家18,19歲, 有隻22歲, 所以我都係幫我隻狗轉左食皇家, 轉左之後我覺得D毛靚左又好似有活力左咁
以家啲打手好有心機，慢慢煲
1個讚
估唔到呢度都有打手
有養狗都知hills,rc呢d處方糧除咗睇完醫生局食之外
冇可能特登買俾隻狗食
1個讚