一直無法忘記一個熟悉的陌生人，多年前遇上，大家知道對方存在，曾經有默契地等對方出現，但後來我搬走了，以為會忘記到個女仔，但經過咁多年後，仍然無法忘記，想搵返佢也無從入手。到底點先可以忘記到佢，求大家點醒！
你都識講咁多年啦，佢已經結咗婚生左幾個仔變左日日咆哮嘅肥師奶了。
咁你仲有冇幻想？
到底點先可以"搵"到佢… 應該會易D囉
2個讚
回憶 幻想總是美好嘛。
有時我唔開心 都會諗 我ex對我點好點好
但人係會變 或者而家仲同佢一齊 佢變到好衰呢
回正題，唔好幻想，
仲係啲無一齊經歷美好回憶嘅幻想
你幻想下我哋有幾靚 同我哋傾計仲開心啦
其實會唔會樓主諗多咗？
如果想搵番個女仔，就去番當年大家都有默契地等嘅地方試下撞唔撞番到佢。
我都想講
熟悉的陌生人
知道大家存在
係一個地方去等人出現
究竟有幾熟悉唔係好feel到
真係識嘅點會講知道大家存在
好似個毒毒係道ff咁
不過咁，得不到得從來難忘
幻想中佢可以係無敵
樓主，其實冇可能會忘記一個人
只有放下
時間幫到你
當你去到唔記得要忘記嘅時間，你就成功。
又或當呢個人在你心中的份量隨年月消逝至可有可無，你就成功。
1個讚
其實2, 3年前我遇過佢一次，離遠一眼就認到。雖然戴住口罩，佢好似無咩點變，無肥到，應該仲幾靚金，不過結左婚係好有可能，話晒都咁多年。
聽落好似好毒，後生時真係比較怕醜，但咁樣鍾意一個人都係得呢次。後來我都有拍過幾次拖，只係都無咩結果，可能因為咁所以記掛從前吧，我都知應該 move on既
我有去過有機會既地方諗住撞下佢，不過都遇吾到就算了，又無理由成日去某個地方就係為左去遇人，成個痴漢咁吾係幾好，哈，矛盾
我諗我就係欠一個死心既結局，若然如樓主你話到俾對方知/ get 到 一切已無可能，就 move on.
又或者直至遇到另一個人，咁可能就夢醒
一切只係你幻想，踏踏實實識過其他女仔仲好啦。
1個讚
搵另一個，大把女仔都好好，唔識過唔知架…
2個讚
人有時就係咁樣, 你覺得之前timing 唔啱, 無一齊到, 好似好可惜咁, 先會有嗰種忘記唔到既感覺。而家只係你未遇到真正既人, 先會突然抽起條筋諗起佢…唔好將過去放得太大啦!! 好好去識吓其他人好過啦~
1個讚
該主題在最後一個回覆創建後90天后自動關閉。不再允許新的回覆。